أخبار محكمة الأسرة اليوم
محكمة الأسرة.. ثرية: "بنتي حالها مال" وجوزها وأهله طردوها من البيت وخدوا حاجتها
لم يمر على زواجها عامين، حتى بدأت رحلتها داخل محكمة الأسرة، حيث فوجئت بأسرة زوجها تطردها من المنزل، مستغلين سفر الزوج للخارج، لتذهب للحياة في منزل أسرتها وعندما عاد الزوج فوجئت به يتضامن مع أهله، وضربها وأهانها، لتطرق صحبة والدتها «ثرية» أبواب محكمة الأسرة بحثا عن حقها.
قصص محكمة الأسرة..أهل جوزها طردوها
بدأت «ثرية» حديثها: «بنتي متجوزة بقالها سنتين رافعة طلاق للضرر بقالها كام شهر هي وجوزها كانوا قرايب من بعيد، اتجوزت في بيت عيلة وجوزها كان مسافر وبيشتغل برة مصر وهي عايشة مع أهله، وكانوا مبهدلينها جدا من ساعة ما اتجوزت ومشغلينها ومطلعين عينها».
حكايات محكمة الأسرة.. أمه طردتها في غيابه
تابعت «ثرية» حديثها قائلة: «بعد ما جوز بنتي سافر وسابها مع أهله كانت قاعدة في شقتها في حالها، أمه فضلت تقولها امشي مين اللي قالك اقعدي هنا وكانت بتقولها جوزك مسافر روحي عند أهلك متقعديش معانا وطردتها من البيت، وفضلت وراها لحد ما مشيت فعلا وجت تقعد عندي وقالت تستنتى جوزها لما يرجع من السفر يرجعها بيتها تاني».
دعاوى محكمة الأسرة.. شربها عشان ياخد حقها
أضافت الأم وهي حزينة على ابنتها: «جوزها اتصل عليها بالتليفون بعد ما سابت البيت وطلب منها تدي مفاتيح الشقة لاخته رفضت تديها المفاتيح عشان حاجتها في الشقة نزل من السفر يومين ضربها هو واخته وخد المفاتيح ورجع سافر تاني، ومن ساعتها وهو واخد حاجتها وقافل عليها في الشقة».
قضايا محكمة الأسرة.. صعبان عليا بنتي
أنهت «ثرية» حديثها قائلة: «دلوقتي سايباه وماشية من البيت بقالها سنة، ومن ساعتها مسألش عليها تاني ومبيصرفش عليها، وصعب عليا حال بنتي وقعدتها وانها مكملتش سنتين جواز، جبتها المحكمة عشان ترفع عليه قضية نفقة يمكن يتعدل ويرجع لبيته ومراته».
تابع أحدث الأخبار عبر
