أخبار محكمة الأسرة
محكمة الأسرة.. هالة: قصة حبنا تحولت لجحيم ولما سبته النفقة بقت قطاعي
مثل العديد من السيدات في محكمة الأسرة تواجدت «هالة» التي رفعت على زوجها دعوى خلع ونفقة حتى تحصل على حقوقها المادية وحريتها التي منعهم عنها زوجها الذي عاشت معه سنين من الألم والحسرة.
تزوجت «هالة» بعد وقوعها في حب زوجها الذي تعرفت عليه في محل عملها وكان أملها أن تعيش معه حياة طبيعية وتنجب منه أطفالها وتنشئ أسرة، لكن صدمها الواقع أن الحب الذي كان بينها وبين زوجها لم يكن كفاية أن تكمل حياتها معه، كانت قسوة زوجها واحتياجها بسبب عدم صرفه عليها أقوى من قدرة تحملها.
قصص محكمة الأسرة
قالت الزوجة في بداية حديثها: «أنا اتجوزت من 12 سنة، وخلفت من جوزي ولد وبنت، اتعرفت عليه عن طريق الشغل، وكان جواز عن حب، قبل الجواز كان محترم وطيب مفيش مشاكل معاه، بعد الجواز كل ده اتغير، كل مادى المشاكل كانت بتزيد، الأول كانت الخلافات العادية بعد كدة بقت أكتر لدرجة مبقاش يعدي يوم من غير خناق».
حوادث محكمة الأسرة
قالت «هالة» عن خلافاتها هي وزوجها: «المشاكل كانت كتير بس أكترها كانت على المصاريف، مبيصرفش غير على القد لو صرف أصلا، أنا اللي كنت بشتغل وبصرف، العيال لو طلبوا أي حاجة بتبقى مني، ولو طلبت منه أي فلوس بتبقى بالخناق والبهدلة، كنت بصرف أنا وامشي الدنيا عشان البيت ميتخربش والعيال ميكونوش محتاجين حاجة.»
حكايات محكمة الأسرة
تابعت «هالة» متأثرة: «غير طبعًا الضرب، بيضربني من أول أسبوع جواز بسبب أو من غير سبب، كان بيضربني لدرجة يكسر عضمي، مشفتش منه غير البهدلة، اتحملت كل بهدلته ليا في الأول عشان ولادي، لكن السبب الأكبر إني بحبه وكان عندي أمل إنه يتغير ويرجع زي الأول لكن مفيش فايدة كل مادى كان بيتغير للأسوء، لحد أخر مرة حصلت بينا مشكلة كبيرة وقتها سيبته وكنت عارفة إني مش هرجعله تاني».
قضايا محكمة الأسرة
أنهت «هالة» حديثها والدموع في عينيها: «سايباه من سنة وقاعدة عند أهلي، مبيسألش فيا أنا والعيال، بيصرف من بعدما سيبته شهر اه وشهرين لا، سابني متعلقة ولما عرف إني رفعت عليه قضية خلع وبعد كدة طلقني، وجيت أرفع عليه قضية نفقة».
تابع أحدث الأخبار عبر
