عايدة في دعوى خلع: علاقاته الكتير بالستات جابت الخراب ودخلته السجن
كانت الخيانة ليست فقط سبب وصول «عايدة» لمحكمة الأسرة لكن كانت السبب أيضا في دخول زوجها السجن وتدمير أسرتها التي حاولت أن تحافظ عليها لسنين.
منذ دخول «عايدة» قفص الزوجية علمت أن لزوجها علاقات متعددة بسيدات كثيرة، وكانت تصبر نفسها بأن طبع الخيانة في جميع الرجال وأن زوجها مثل العديد من الرجال، ولسنين حاولت أن تصلح حال زوجها وتجعله يتوقف عن خيانتها، لكنها فشلت في كل مرة، وعاشت حتى تربي أولادها وتجاهلت خيانات زوجها المتعددة ووصلت في النهاية لمحكمة الأسرة حتى تنهي حياتها معه.
اقرأ أيضا
زواج أقارب
قالت عايدة: «أنا اتجوزت من 11 سنة انا وجوزي كنا قرايب وقبل ما نتجوز الدنيا في الأول كانت طبيعية ومفيش مشاكل والحياة عادية والوضع استمر على كدة في أول الجواز وخلفت منه 3 أطفال، ولما خلفت بنتي التانية، بدات الاحظ على جوزي أنه متغير وفي حاجة غريبة.»
بيخوني مع ستات كتيرة
تابعت عايدة: «لما دورت وراه اكتشفت أنه بيخوني وبيكلم عليا ستات تانية، كان بيكام ستات كتير جدا ولما واجهته مأنكرش ولا قال هيبطل اللي بيعمله، فضل مكمل في اللي هو فيه، كملت معاه ومرضيتش اسيبه عشان خاطر ولادي.»
الستات سبب حبسه
أكملت عايدة: «كنت عارفة أن لسه مكمل وعنده علاقات بستات تانية وكنت بعدي وامشي الدنيا، وأقول لنفسي الرجالة كلها كدة، وعيشت عشان اربي ولادي، لحد ما جوزي فجاة اتحبس مكنتش فاهمة ليه لكن عرفت انه اتحبس بسبب شيكات وصولات ستات من اللي يعرفهم خدوها عليه واتحبس بسبببهم »
مضيع فلوسه على الستات
أضافت عايدة: «كان ممكن أقف معاه لكن لما عرفت السبب اللي اتحبس عشانه مقدرتش، سيبته ومرضيتش أرجعله وهو دلوقتي خرج من الحبس، مرفعتش عليه قضايا خلع أو نفقة من وقت ما سيبته عشان قلت قريبي وأبو ولادي ومقدرش اعمل فيه كدة»
دعوى نفقة
أنهت عايدة كلامها: «مكنش بيصرف عليا انا وعيالي من زمان غير على القد عشان فلوسه ضايعة على الستات من زمان ومن ساعة ماسيبته وهو مكمل اللي بيعمله ومبيصرفش، وقررت ارفع عليه قضية نفقة لما لقيت أنه مبيصرفش عليا وانا مش مكفية مصاريف العيال وأهلي كل واحد فيهم عنده حياته وفيه اللي مكفيه ومحدش بيسأل في حد»
تابع أحدث الأخبار عبر
