هالة في محكمة الأسرة: المخدرات لحست دماغه وعايز يموتني أنا وأهلي
كان من الممكن أن تتحمل «هالة» قسوة زوجها عليها وإدمانه للمخدرات، لكن عندما وجدت أن أذى زوجها ممكن أن يطول المقربين منها الذي لا ذنب لهم، قررت أن تتوجه لمحكمة الأسرة حتى تجد الأمان في حياتها.
عاشت «هالة» حياة أليمة بسبب عدم صرف زوجها امواله عليها وعلى أبنائها ولكن صرفها على المخدرات، تحملت «هالة» من أجل أبنائها لكن فاض بها الكيل ولم تستطيع تحمل الحياة مع زوجها الذي كان يضربها ويعذبها ووصلت به القسوة أنه هددها أن يقتل اهله إذا طلبت منه أن يتعالج ويصبح شخص طبيعي من جديد، توجهت الزوجة في النهاية لمحكمة الاسرة حتى تنتهي من حياتها المؤلمة مع زوجها مدمن المخدرات.
زواج صالونات
قالت هالة:« أنا اتجوزت من ١٢ سنة خلفت ولدين من جوزي، كان جواز صالونات في الأول كان كويس ومفيش مشاكل، كان مشكلتي معاه انه عصبي جدا في كل مشكلة تحصل يتخانق ويزعق ويبهدل الدنيا، كنت بقول كل الرجالة كدة والعصبية دي بكرة ربنا يهديه.»
بيكسر البيت عليا
تابعت هالة: « العصبية كانت بتوصل لساعات بيضربني في الخلافات اللي بتحصل بينا، صبرت عليه عشان خاطر عيالي ميتبهدلوش لو اتطلقت، كنت بتحمل واسكت، كان بيضربني علقة موت كل ما يتعصب ولا يتضايق، كان بيشرب مخدرات من زمان لكن مع الوقت بقى بيشرب اكتر من الاول، مع الشرب الضرب بقى اكتر بقى يكسر البيت على دماغي مخلاش فيه حاجة سليمة.»
بيهددني يموت أهلي
اكملت هالة:«حاولت كتير معاه انه يبطل لكن مفيش فايدة، الضرب كان بيزيد كل مادى ولما طلبت منه يتعالج ضربني برضه وقالي لو فتحت الموضوع تاني هيموتني، و هددني يقتل أخويا ويقتل ابويا، لما خفت من اللي ممكن يعملوا معايا قررت اسيبه واروح عند أهلي.»
دعوى نفقة
انهت هالة حديثها: « من ساعة ما سيبته مسألش فينا أنا والعيال، ابني بيقولي ليه مش بابا اللي مات بدل جده لأن أبويا اللي مربيه، رفعت عليه قضية نفقة عشان هو مبيصرفش على العيال خالص، حتة واحنا مع بعض مكنش بيصرف كان بياخد من فلوسه كلها عشان المخدرات.»
تابع أحدث الأخبار عبر
