عفاف بدعوى خلع: «مدمن بودرة وخايفة عيالي يقلدوه»
مثل العديد من السيدات التي دمرت المخدرات حياتهم بسبب إدمان أزواجهن تواجدت «عفاف» في محكمة الأسرة تبحث عن حل لمشكلتها مع زوجها مدمن المخدرات الذي ترك المخدرات تدمر أسرته.
عفاف بدعوى خلع
تزوجت «عفاف» منذ 10 سنين وكان حياتها الزوجية عادية ولا يوجد بها مشاكل سوى الطبيعية بين أي زوجين وظنت الزوجة أن حياتها ستستمر بهذا الشكل لكنها كانت مخطئة وحياتها تحولت لكابوس بسبب توجه زوجها لإدمان المخدرات، وبعد فشل محاولاتها في علاج زوجها توجهت في النهاية لمحكمة الأسرة حتى تنقذ أولادها من مستقبل يشبه مستقبل أبيهم المدمن.
زواج طبيعي وحياة عادية
قالت عفاف: «أنا اتجوزت بقالي 10 سنين وعندي من جوزي 4 عيال سيبته وأنا حامل في أخر بنت الصغيرة اللي مشافهاش من ساعة ما اتولدت ، لما اتجوزته كان محترم وبيصوني أنا وولادة ومش مخلينا محتاجين حاجة، كان بيشتغل ويصرف علينا وأنا بربي العيال في البيت، الحياة كانت ماشية والدنيا تمام» .
جوزي طلع مدمن بودرة
تابعت عفاف: «لحد ما عرفت ان جوزي بيشرب مخدرات بقاله ٤ سنين وأنا مكنتش أعرف إنه مدمن مخدرات، طلع مدمن بودرة عرفت لما لقيته بيشم البودرة في بيتنا، كانت صدمة عليا ومعرفتش أعمل ايه ساعتها بس وقفت جنبه وقلت مش هسيبه وهعالجه خدته المصحة عشان يتعالج عرفت هناك انه مدمن بقاله 4 سنين لما قال للدكتور»
اقرأ أيضا
سيبته عشان ولادي ميطلعوش زيه
أكملت عفاف: «حاولت اعالجه متعالجش لما خرج من المصحة رجع للمخدرات تاني، عرفت من تصرفاته المتغيرة ولما لقيت ان مفيش فايدة معاه قررت اسيبه وأنا حامل في بنتي الأخيرة، سيبته عشان خايفة على العيال يقلدوه ويطلعوا زيه وهما شايفينه بيشرب مخدرات قدامهم ويفتكروا أن ده العادي»
دعوى نفقة
أضافت عفاف: «من ساعة ما مشيت وسيبت البيت مسألش فيا أنا والعيال، ولا حتى أهله بيسألوا فينا وهما جيران وهو مبيصرفش انا اللي بصرف على البيت والأولاد، ودلوقتي اتجوز واحدة تانية تصرف عليه هي ولسه بيشرب مخدرات، جيت أرفع عليه قضية نفقة عشان حق ولادي اللي محدش بيسأل فيهم»
تابع أحدث الأخبار عبر
