«وش إجرام».. رحاب في طلاق للضرر: ضربني هو وأهله بالسنج وخطفوا ابني
دعوى طلاق للضرر رفعتها «رحاب» على زوجها وكانت الحل الأخير الذي توجهت له بعد العنف والقسوة التي رأتها مع زوجها وأهله الذي دمروا حياتها وثقتها في جميع الناس.
عندما علمت «رحاب» أن زوجها سيغدر بها هو وأهله ويطردوها من بيتها الذي عاشت وانجبت ابنها فيه حاولت ان تحافظ على حقوقها ورفعت دعوى تمكين وكانت نيتها الحفاظ على حقوق ابنها ، لكن ما واجهته من زوجها وأهله الضرب والإهانة لمطالبتها بحقوقها، ولم يحافظ زوجها عليها او يصون عرضه فتهجم على زوجته وخطف ابنه من حضن والدته، وجعل زوجته تلجأ في النهاية لمحكمة الاسرة حتى تنتهي من الحياة معه.
زواج طبيعي
قالت المحامية المسؤولة عن القضية: الزوجين في الأول الحياة بينهم كانت طبيعية ومفيش مشاكل، متجوزين ومخلفين ولد، كان في خلافات بينهم بس العادية زي اي زوجين وكانت بتتحل، وبالنسبة لأهل الزوج كان في مشاكا معاهم بس مش كتير.
عايز يغدر بيا هو وأهله
تابعت المحامية: الزوجة عرفت أن أهل زوجها عاوزين يبيعوا البيت اللي هي عايشة فيه ويطردوها هي وابنها وزوجها متفق معاهم علي كده وموافق ومعندوش مشكلة، الزوجة راحت رفعت دعوى تمكين من الشقة عشان خافت تتبهدل هي وابنها ويترموا في الشارع.
بلاغ كيدي من الزوج
أكملت المحامية: تاني يوم بعد رفع قضية التمكين كان أهل زوجها راحوا القسم عملوا محاضر للزوجة واخواتها كيدية انهم ضربوهم وطبعا ده كله كذب و محصلش، وبعدها تاني يوم زوج الست دي جاب رجالة بشوم وسنج وطلعوا علي الست في الشقه وخطفوا ابنها ونزلوها الشارع وضربوها وكان معاها اختها ضربوها وهي ملهاش ذنب كانت حامل وسقطت من كتر الضرب.
دعوى طلاق ضرر
أنهت المحامية كلامها: الزوجة واختها حاليا ميقدروش حتى أنهم يعملوا محاضر في الزوج وأهله، لأنه هو أهله كانوا عاملين المحاضر قبلهم عشان لو الزوجة حاولت وراحت تعمل محضر مينفعش ويبقي كايدي ومتعرفش تاخد حقها، ولجأت الزوجة في النهاية أنها ترفع قضية طلاق للضرر عشان تعرف تاخد حقها من جوزها بعد اللي عملوا معاها وحرق قلبها على ابنها.
تابع أحدث الأخبار عبر
