بسنت في دعوى تمكين: "اتجنن وعايز يرميني أنا والعيال في الشارع"
سنوات طويلة عاشت فيها "بسنت" حياة مستقرة وسعيدة مع زوجها ولكن فجأة وبدون مبرر وجت تصرفات غريبة من شريك حياتها الذي كان هو السبب الأساسي في سعادتها السنوات الماضية، لم تجد تفسير لمعاملته المتغيرة فقالت في نفسها لعلها فترة مؤقتة ولكنها أصبح هذا شكل حياتهما الجديدة.
"عشت معاه أجمل 10 سنين في حياتي" هذا ما قالته بسنت لتبدأ حديثها ووهي تروي قصته للقاضي مؤكدة على حياتها الجميلة التي عاشتها مع زوجها تنعم بحياة هادئة ومستقرة، ولكن كان هذا الهدوء الذي يسبق العاصفة ووجدت نفسها مع رجل لم تعرفه من قبل، أضافت الزوجة: "من ساعة ما اتجوزنا وحياتنا ماشية زي الفل ومفيش أي مشاكل بينا خالص غير الحاجات العادية اللي بتحصل في أي بيت وهوكان بيعدي الدنيا وبيعرف يتعامل معايا كويس جدًا، كنت كل الناس بتحسدني عليه".
بقا واحد تاني معرفهوش
حياة مثالية بكل المقاييس أرادت بسنت أن تكمل بها حياتها في عش الزوجية مع أسرتها السعيدة ولكن الزوج فاجأها بمعاملة مختلفة تمامًا كانت سبب في تحول حياتهما السعيدة المستقرة لحياة لا تعرف إلا المشكلات المستمرة، تستكمل بسنت: "حياتنا اتشقلبت من ساعة ما اتغير وبقا يتعامل بطريقة غريبة أنا مش فاهماها وبقينا نتخانق طول الوقت، زهقت من كتر المشاكل اللي ملت البيت دي"، تابعت: "كنت مستغرباه جدًا وقلت دي اكيد فترة مؤقتة، بس للأسف مطلعتش فترة مؤقتة ولا حاجة وطلعت دي حياتنا العادية اللي على طول خناقات ومشاكل ومش بس كدا دا كمان بقا يمد إيده عليا".
عايز يرميني أنا والعيال في الشارع
جارا أمورها مرات عديدة ولكن بدأ الخوف يسيطر عليها وقررت أن تأخذ حذرها منه بعد ما هددها بطردها هي والأولاد من شقة الزوجية، وقررت الاستعانة بمحكمة الأسرة ورفع دعوى تمكين بعد ما كرر تهديه لها، تضيف إلى حديثها: "أخر فترة بقا كل ما يتخانق معايا يقول لي هطردك انتي والعيال في الشارع، لما لقيته كرره مرة واتنين وتلاتة قلقت وقلت ممكن يعمله خصوصًا الفترة الأخيرة دي أتوقع منه أي حاجة، عشان كدا رفعت عليه قضية تمكين عشان اضمن حقي أنا والعيال".
تابع أحدث الأخبار عبر
