«سرقوها واستولوا على فلوس أحفادهم».. الحاجة سامية: جوز بنتي مات وأهله معندهمش رحمة
كانت «الحاجة سامية» تحمل الألم ومسؤولية كبيرة في حياتها وكانت مسؤولة عن رعاية أولادها بعد وفاة زوجها ورعاية ابنتها الأرملة وأحفادها لأن كلهم لم يصبح لهم في الدنيا سواها ليرعاهم ويكون سند لهم.
تواجدت «الحاجة سامية» أمام محكمة الأسرة لترفع دعوى إعلام وراثة لتستطيع صرف معاش زوجها المتوفي الذي مات وترك لها مسؤولية كبيرة تتحملها وحدها بعدما شاركها همها لسنين عديدة لكن أمر الله نافذ فخسرت الزوجة زوجها، وتحملت مسئولية ابنها الصغير وابنتها الأرملة التي منذ وفاة زوجها لم يقف بجانبها أي أحد من أهل زوجها وتركوها وحدها دون حقها أو سؤال عليها.
جوزها مات وساب المسؤولية عليا لوحدي
قالت «الحاجة سامية»: أنا جاية اعمل إعلام وراثة، جوزي اتوفى وعشان أقدر أخد المعاش لازم نثبت إن مفيش في عيال تانية ليه غير ولادي بس مفيش غير ابني وبنتي، جوزي اتوفى من قريب كان تعبان ومات الله يرحمه ويسامحه كان كويس وشايل معايا المسؤولية ومن ساعة ما مات وأنا لوحدي بس لازم أفضل واقفة على رجلي عشان خاطر عيالي.
جوز بنتي مات وأهله معندهمش رحمة
تابعت «الحاجة سامية»: بنتي الكبيرة جوزها متوفٍ من 3 سنين وقاعدة معايا من ساعتها هي وعيالها، هي وجوزها كانوا قرايب ومن ساعة ما اتوفى أهله اللي هما المفروض قرايبنا مبيسألوش فيها ولا في عيالها خالص، ولما طالبت بورث جوزها وحق عيالها قالولها لما الولد ابنك يكبر يجي يدرو على حقكوا.
أهل جوزها مش بيسألوا فيها
أكملت «الحاجة سامية» كلامها: من ساعة ما جوزي اتوفى وأنا اللي بصرف على اولادي وبنتي الأرملة وعيالها لأن أهلها مبيسألوش حتى عليها لو محتاجة حاجة وخدوا كل حاجة كانت بتاعتها هي وجوزها، وهي ليها حق ومش عارفة تاخده ومبشتغلش عشان عيالها صغيرين ومحتاجينها انا اللي بصرف على قد ما ارزقنا بيجي.
محدش بيسأل في عيال حد
أنهت «الحاجة سامية» كلامها: جيت عشان اعمل اعلام الوراثة لأننا محتاجين الفلوس وبنتي وعيالها لسه معايا وربنا يقدرني واقف معاها لحد ما تقدر تاخد حقهم، لأن محدش هيقف معاها ولا يسأل فيها ولا في عيالها محدش دلوقتي بيسأل في عيال حد حتى لو أهل أبوه.
تابع أحدث الأخبار عبر
