هدى في دعوى نفقة: بيخليني أشحت عشان أصرف عليه
تلخصت تجربة «هدى» في الزواج أن من اختارته لتكمل معه حياتها كان يرفض أن يتحمل مسئوليتها طوال فترة زواجها منه، ولم ترى منه أي رحمة عليها أو على بنتها، بل قسوة كذب وخداع أوصلوها في النهاية لمحكمة الأسرة.
تواجد «هدى» مع والدتها في محكمة الأسرة يحملن ألم ووجع كبير بسبب زواج لم يدم سوى 3 سنين من رجل خدع «هدى» وأهلها منذ دخوله حياتهم، وعاشت «هدى» بسببه حياة ملأها الحزن والحسرة بسبب عدم صرفه أي أموال عليها أو على بنتها حتى مصاريف ولادتها، وكانت معاملته لهم بقسوة وإدمانة للمخدرات هي الأسباب التي جعلت «هدى» تترك زوجها وتتوجه لمحكمة الأسرة حتى تحصل على حقوقها وحريتها وتعوض ابنتها عن الأيام الصعبة التي شهدتها مع أبيها.
بقالي 3 سنين في مشاكل
قالت «هدى»: انا اتجوزت من 3 سنين بس سايبه جوزي من 5 شهور، من ساعة ما اتجوزته والمشاكل بدأت وكانت كل مادى بتزيد، مكنش بيصرف خالص وكان في مشاكل كتير بينا لكني كنت بتحمل وبعدي عشان مخربش البيت.
بيخليني اشحت واصرف عليه
تابعت «هدى»: كان مبيصرفش على البيت خالص، وعايزني أنا اللي اصرف ولما أقوله انه مبيصرفش علينا وعايزين فلوس، يقولي استلفي من أهلك واتصرفي وهاتي فلوس ده اللي عندي إذا كان عاجبك، وكنت بتصرف عشان اقضي احتياجات البيت.
المخدرات مضيعة فلوسه
أضافت الزوجة: لحد ما اكتشفت انه كان بيشرب مخدرات وبيتعاطى برشام مخدر، عرفت لما شوفته بيشربهم قدام عيني، وفلوسه كلها طلعت كانت بتضيع على المخدرات، بدل ما يصرفها علي اللي بيته محتاجه، طلع بيشرب مخدرات من قبل الجواز ومكناش نعرف وقتها وطبعا رفض يبطل لما حاولت اكلمه واتفاهم معاه انه مينفعش كدة.
مش بيسأل في بنته
أنهت «هدى» كلامها والدموع في عينيها: خلفت منه بنت واحدة بس وقاعدة معايا دلوقتي ومبيسألش فيها من ساعة ما سيبته ومكنش بيصرف عليها وانا معاه حتى فلوس الولادة أنا اللي دفعتها، وكان سبب اني اسيبه أنه بيضربني أنا والبنت وزهقت من ضربه ليا وبهدلته ليا وليها وخفا عليها ليعمل فيها حاجة بعد كدة ورفعت عليه قضية خلع ونفقة.
تابع أحدث الأخبار عبر
