رامي ودنه لصحابه.. أروى بدعوى خلع ونفقة: بعد حب السنين بهدلني في المحاكم
قصة حب كانت بداية قصة «أروى» ومحكمة الأسرة كانت نهاية قصتها مع زوجها الذي ظنت أنه سيكون سند لها ويحميها ويرعاها، ولكنه سبب لها جرح لن تستطيع نسيانه في حياتها.
رامي ودنه لصحابه
تزوجت «أروى» بعد قصة حب عاشتها مع زوجها الذي تعرفت عليه عن طريق محل عملها، وتزوجته وكانت تأمل أن تنشئ أسرة معه وعاشت منه عدة سنين وانجبت منه أطفالها، وظنت أن حلم حياتها في أن يكون لها أسرة مستقلة قد تحقق، لكن زوجها ترك الأغراب يتدخلوا في حياتهم مما دمر أسرتهم وجعل الزوجة تلجأ في النهاية لمحكمة الأسرة لتحصل على نهاية لقصتها مع زوجها وأملها الوحيد أن تعيش حياة هادئة مع أولادها وتبني مستقبل لهم.
جواز عن قصة حب
قالت «أروى»: «بقالي 14 سنة متجوزة، وخلفت من جوزي عيلين ولد وبنت واتنين تؤام اتوفوا بعد الولادة لأنهم مولودين في وقت بدري، اتجوزت عن طريق قصة حب اتعرفت على جوزي عن طريق شغل، في أول 7 سنين جواز جوزي كان كويس معايا ومع ولاده ولما التؤام اتوفوا كان معايا ومسابنيش، بس اتغير بعد كدة».
رامي ودنه لصحابه
تابعت «أروى»: «في أخر فترة بقى واحد تاني وتصرفاته اتغيرت بقى عصبي ومعاملته بقت كلها إهانة و ضرب وبهدلة، مكنتش فاهمة في الأول بيعمل معايا كدة ليه بس بعد كدة عرفت أنه بقى بيرمي ودانه لصحابه وهما اللي بينصحوه ويقولوا اضرب مراتك وعاملها وحش وأنا بعامل مراتي كدة فهو بقى يقلدهم ويعمل زيهم».
الحياة معاه لا تحتمل
أكملت «أروى» كلامها وقالت: «التغيير جه مع الوقت مش مرة واحدة، انا وهو زهقنا من الحياة والطريقة اللي بيقنا عايشين فيه، بس مكنتش برضى اسيبه عشان كان عندي أمل إنه يرجع زي الأول ويبقى الراجل اللي أنا حبيته تاني بس مكنش في فايدة معاه، ومع الوقت كان بيزيد ضرب واهانة وقله ادب، وبقى بيعايرني بالأكل والشرب وبيصرف بحدود لو حاجة تخصني ميجبهاش».
رافعة عليه قضايا في محكمة الأسرة بسبب عمايله
أضافت «أروى»: «كنت بحاول على طول أني مخربش بيتي واحل مشاكلي بيني وبين جوزي بس لما تعبت منه سيبت البيت أول مرة عشان عمايله ضرب وبهدلة، ورجعت تاني عشان ولادي وانا رافعة عليه قضايا، وبدل ما يصالحني ضربني تاني، ساعتها سيبته ومرضيتش أرجع تاني، بقالي 7 شهور سايباه، ودلوقتي رافعة قضية خلع، ورفعت دعوى تمكين بالمناصفة وبيجي يعد في الشقة عند، ودلوقتي مبيصرفش لا مصاريف ولا أكل ولا شرب ودروس بيسال على الولاد كل فين وفين وفي الأخر اضطربت أرفع قضية نفقة».
تابع أحدث الأخبار عبر
