«قفشته مع جارتنا».. هبة في دعوى نفقة: وقفت جنبه من الصفر وفي الآخر خاني
تزوجت «هبة» وأنجبت أطفالها وكانت تأمل أن يتقي زوجها الله فيها وفي استرها ويبنوا مستقبلًا لأولادهما سويًا، ولسنين ظنت أن هذا هو الوضع ولكن في يوم وليلة تغير حالها وتغير شكل حياتها بالكامل.
“وقفت جنبه من الصفر وفي الأخر كان بيخوني في الشقة اللي جبتهاله" هذا ما قالته «هبة» في بداية حديثها عن معانتها مع زوجها، فعندما تزوجت «هبة» رضيت بظروف زوجها الصعبة وحاولت بكل الطرق أن تنشئ مستقبل أفضل لأولادها وبعد محاولتها العديدة وأصبح لديها ديون عديدة من أجل أولادها وأسرتها، لم يقدر زوجها أي من تضحيتها وتعبها من أجل أسرتهم وخانها وتركها ولم يصرف عليها او على أولاده، وتركها تلجأ في النهاية لمحكمة الأسرة حتى ترفع دعوى نفقة وتحصل على حقوقها وحقوق أولادها منه.
عيشت في أوضة وصالة على المحارة 9 سنين
قالت «هبة»: اتجوزت وأنا في أول العشرينات عشت معاه 11 سنة وخلفت 3 أولاد، أول ما اتجوزنا كنت عايشة في شقة هو جايبها، الشقة مكنتش كويسة او حتى في مكان كويس ولكني اتحملت وقلت الظروف بكرة تتحسن، أعدت في أوضة وصالة على المحارة 9 سنين، مع الوقت بطل يشتغل ومبقاش عايز يدفع جنية في البيت وانا اللي بشتغل وبصرف.
جبت شقة لولادي بعد جمعيات وسلف
تابعت الزوجة: كان همي الوحيد إني أخرج ولادي من البيت ده لأن حصل مشاكل في العمارة وكانت في مكان مش كويس، وكل لما اقوله عايزين نعزل يقولي أجيبلك منين ده اللي عندي، وكنت عايزة أمشي عشان خاطر ولادي لأنهم كانوا بيناموا معانا في نفس الأوضة وبكرة يكبروا، اتصرفت عشان أخد شقة لولادي في مكان أوسع وأكبر بعد جمعيات وسلف عرفت أجيب شقة وكتبتها بأسمي.
اقرأ أيضا
جاب جارتي البيت وأنا مش موجودة
أضافت «هبة»: بعد فترة جوزي قعد في البيت وكان مبيشتغلش كنت ببيبع العفش عشان الاقي أصرف على ولادي، المعاملة بقت زفت، فوق كل اللي أنا مستحملاه ده في الأخر هو كان على علاقة بجارتنا دخلها شقتنا وأنا في الشغل ولما واجهته مأنكرش، ساعتها قررت إني زهقت ومش هكمل معاه.
مراته عايزة تاخد عليا وصولات أمانة
أكملت الزوجة: حتى بعد الطلاق بقى يستلف مني فلوس بحجة إنه بيدور على شغل، وأنا كنت أقول معلش عشان خاطر ولادي، ولما اشتغل جه عليا أنا وولادي، بقى مبيصرفش على العيال خالص وراح اتجوز، مراته أسلوبها وحش جدا قالتلي لو عايزة فلوس عشان خاطر العيال عايزة تاخد عليا وصل بالمصاريف، رفضت طبعا لأنها ممكن تحبسني بالوصولات دي قالتلي روحي المحكمة اشتكي وجيت رفعت دعوى نفقة عليه، ومراته الجديدة ميقدرش ميشتغلش وميصرفش عليها تعمله فضيحة.
تابع أحدث الأخبار عبر
