"جوازة كانت غلط من الأول“.. هبة للقاضي "ابني بيتعالج نفسيًا بسبب أبوه وأهله"
بعد سنين عشرة ووجود طفل بين «هبة» وزوجها وصلت بها الطرق في النهاية لمحكمة الاسرة حتى تحصل على حقوقها من زوجها الذي لم يقدرها هي وابنهم ولا يعطيهم اي من حقوقهم.
تحملت «هبة» قسوة زوجها وطباعه الصعبة عليها، وكانت تعمل حتى تصرف على بيتها الذي تركه زوجها دائما يحتاج أموال ولم يعطيها هي وابنهم ما يكفيهم ابدا وتحملت الزوجة زوجها حتى لا تخرب بيتها لكن عندما وصل للضرر لابنها الصغير الذي كان كل املها في الدنيا، قررت ان تترك زوجها، وظنت انه عندما تتركه ستحافظ على ابنها ولكن حاله ابنها النفسية بسبب اهمال والده اتجاهه اصبحت سيئة واضطرت «هبة» ان تلجأ لمحكم الاسرة لتعطي ابنها حقوقه من والده الذي تركه دون سؤال حتى تعطي ابنها مستقبل افضل وتنقذه من الالم الذي عاشه بسبب والده.
" جوازة كانت غلط من الاول " هذا ما بدأت به «هبة» حديثها عن زواجها" اتجوزت من ١٢ سنة وكان عن طريق المعارف، ومن ساعة ما اتجوزت والمشاكل بدأت مع جوزي مكنش في بينا اي تفاهم، خلفت على طول لما اتجوزت وجبت ابني وكنت عايشة وبتحمل عشانه، المشاكل كانت على كل حاجة بس اكبر مشكلة انه كان مبيصرفش ومش مكفي الييت.
انا اللي بشتغل وبصرف عليه
تابعت«هبة»: المشاكل كل مادى كانت بتزيد لحد ما وصلت للضرب وانا مبقتش قادرة اتحمل العيشة معاه، ولما لقيت حياتي انا وابني كلها ضرب واهانة قررت اسيبه وطلبت الطلاق وبعد بهدلة كتير اتطلقت ودي بس مخدتش منه حاجة وانا مكنتش عايزة منه حاجة، انا حتى وانا معاه كنت انا اللي بشتغل واصرف.
بيصرف على عياله التانين وابني لا
قالت «هبة»: بعد الطلاق على طول اتجوز تاني وخلف بنتين وبيصرف عليهم عادي، وانا من ساعة الطلاق مصرفش عليا انا وابني جنية واحد مش عايز يشيل مسىوليته خالص، واضطريت اني ارقع قضية نفقة عشان خاطر ابني والظروف بقت صعبة مش قادرة على المصاريف لوحدي.
ابني بيتعالج نفسيا بسبب ابوه
اكملت «هبة» والدموع في عينيها: فوق انه مبيصرفش على ابنه مبيسالش عليه ولا بيشوفه بالرغم اني بكلمه يجي يشوفه وهو بيرفض، وحتى اهل ابو ابني لما حولت يبقى ليهم علاقة بابني ووديت ابني يشوف جدته، فضلت تلف بيه في الشارع عشان ميباتش عندها الولد من ساعتها مش عايز يعرفهم تاني ،الولد بيتعالج نفسيا بسببهم وبسبب ان ابوه ملوش علاقة بيه، وبقى تصرفاته كلها عصبية جامدة وتصرفات غريبة.
تابع أحدث الأخبار عبر
