سعاد في دعوى طلاق: جارتي خربت بيتي ولفت على جوزي
12 عاما من الاستقرار والسعادة التي تحتل عش الزوجية بسبب حب الزوج الذي يغمر المنزل والتفاهم الذي يحل به كل المشكلات وفجأة تحول كل شيء منذ أن حاولت الجارة في التعرف على الزوج ونجحت في ذلك ما أدى لنشوب الخلافات وتغير الزوج المفاجئ معها ما دفعها تلجأ لرفع دعوى طلاق.
«حياتنا باظت من ساعة ما جارتنا دخلت فيها».. بدأت سعاد تروي قصتها مضيفة تغير زوجها منذ معرفته بجارتنا الذي شقلبت كيانه وجعلته لا يريد العيش مع أولاده، أضافت: «متجوزين عن قصة حب كبيرة بينا، في الأول هو كان بيحبني وأنا مكنتش بحبه بس هو جري ورايا عشان أرضي اتخطب له وفعلا وافقت واتخطبنا قلت يمكن يطلع حد كويس».
سعاد تابعت: «واتخطبنا وقعدنا سنتين مخطوبين وطول فترة الخطوبة وهو بيعاملني أحسن معاملة، وبيتمنالي الرضا واتجوزنا بعد سنتين الخطوبة».
جارتي لفت على جوزي
استمرت الحياة بين الزوجين في سعادة وهناء طوال 12 عاما بسبب معاملة الزوج المثالية لها وظنت أن الحياة تستمر على هذا النمط ولكن فجأة كل شيء تبدل منذ دخول الجارة الذي خربت عش الزوجية، أضافت: «من أول الجواز وهو كويس معايا حتى بعد ما خلفنا الولد والبنت كان مصاحبهم وبيعاملهم أحسن معاملة، بس فجأة كل حاجة اتغيرت من ساعة ما جارتنا بقت تتعامل معاه وتكلمه كل شوية»، تابعت: «بدأت ألاحظ منى جارتنا بتعاملة برقة وبقيت أشوفها بتستناه وهو نازل رايح الشغل، كلمته وقلت له خلي بالك دي عينها منك قالي إيه الهبل اللي انتي بتقوليه دا».
الانفصال الحتمي
حذرت سعاد زوجها من معاملة جارتها الغير طبيعية له ولكنه كان يطمئنها أنه لا يوجد شيء، لكن اكتشفت خيانتهما على السلالم، أضافت: «كنت كل لما أقوله خلي بالك منها يقولي أنا بحبك ومليش دعوة بحد بس بعد فترة لقيته اتغير معايا خالص وحسيت إنه مبقاش يحبني زي الأول كنت بقول عادي يمكن ضغط الشعل».
أضافت الزوجة: «بدأت أشك إن في حاجة غلط لما لقيته متغير معايا بقاله كتير وقررت افتش الموبايل وفتشته بس ملقتش حاجة، وفي يوم نزلت وراه على السلم الصبح وهو رايح الشغل وشوفته هو ومنى على السلم واقفين وقفة مش مظبوطة».
قررت الزوجة الانفصال ما دفعها تلجأ لمحكمة الأسرة وترفع دعوى طلاق منذ 7 شهور، ولا تزال القضية منظورة في المحكمة حتى الآن.
تابع أحدث الأخبار عبر
