عايزني ابريه .. منة في دعوى طلاق : خاني ورماني بعد قصة حب كبيرة بينا
دعوى طلاق أقدمت عليها منة ضد زوجها بعد 8 أعوام من السعادة التي تغمر عش الزوجية والتفاهم المتناهي بينهما، لكن انقلبت الحياة رأسًا على عقب وتحولت سعاداتهما لحزن وكسرة قلب، وتحول التفاهم لمشاجرات دائمة بين الزوجية بعد ما اكتشفت خيانته.
منة في دعوى طلاق : خاني ورماني بعد قصة حب كبيرة بينا
"اتجوزنا عن قصة حب" هكذا بدأت منة تسرد قصتها للقاضي مؤكدة على أنها تزوجت عن قصة حب كبيرة ليس زواج تقليدي، مضيفة: "حبينا بعض من واحنا في الكلية واستنى لما اتخرجنا وجه اتقدم لي وكانت أحلى فترة في حياتي واتجوزنا وكان بيعمل لي كل اللي أنا عايزاه ومش مخليني عايزة حاجة".
تابعت حديثها عن دافعها لرفع دعوى طلاق: "بدأ يتغير معايا وبقا يتكلم في الموبايل كتير ومش عايز معايا خالص، اتكلمت معاه قلت له إيه اللي مغيرك قالي مفيش حاجة قولت يمكن ضغط الشغل بس بدأت اشك إنه يعرف حد تاني".
بدأت الشكوك تحاوط الزوجة بسبب تغير معاملة الزوج
شكت الزوجة في أمر زوجها بسبب أسلوبه الذي تغير فجأة، لكنها كانت تقنع نفسها إنه لا يوجد شيء.. الشكوك تزداد بسبب معاملته التي أدت لنشوب الخلافات بينهما، قالت: “مكنتش بركز في الأول عشان معملش مشاكل، بس لما لقيت الموضوع زاد ومبقاش يقعد في البيت تقريبًا، قلت كدا أكيد في حاجة ومسكت موبايله افتش فيه لقيت بيكلم واحدة معاه في الشغل”.
تابعت: "كنت بحسب الكلام بينهم عادي بس لما قلبت في الشات بينهم والصور لقيت الكلام بينهم واصل لمرحلة مش كويسة وفي صور خارجة وخروجات كتير منهم، لما واجهته قالي احنا زملا عادي وأنكر إنه يعرفها".
لم تسعِ الزوجة لخراب عش الزوجية وكانت تظن أن عندما تعلم خيانة زوجها أن حاله سيصلح ولكنها مخطئة لأنها اكتشفت الصدمة، أضافت: "عديت الموضوع عشان معملش مشاكل وعشان كنت بحبه وعشان العيال برضو والبيت ميتخربش وهو قالي مش هكلمها تاني، بس لقيت معاملته معايا لسه متغيرة ومش طايقلي كلمة".
اختتمت حديثها عن دعوى طلاقها: "شكيت إنه لسه يعرفها ومسكت التليفون أشوفه لسه بيكلمها ولا لأ ولقيت الصدمة إنهم اتجوزوا، طلبت منه الطلاق بس قالي لو عايزاني أطلقك إبريني، قولتله مش هبريك وهاخد كل حقوقي .. مشيت من البيت وروحت عند أهلي، ورفعت عليه قضية طلاق بقالي سنة ولسه الإجراءات ماشية ومستني واتطلق منه وأخ حقي منه".
تابع أحدث الأخبار عبر
