فاطمة في دعوى طلاق: « 4 سنين ضرب وإهانة وعيالي نفسيتهم تعبت»
عشر سنوات من الاستقرار التام في عش الزوجية نتج عنه 4 أطفال ولكن بدأت المشكلات منذ أربع سنوات عندما رفض الزوج تحمل المسئولية والانفاق على زوجته وأولاده الأربعة ما دفع الزوجة لطلب الطلاق بسبب تصرفات زوجها التي لا تتغير.
أقرأ أيضًا: خيانة زوجية.. نهى للقاضي : "ادى أخوه 5 آلاف جنيه عشان يسيبله مراته"
«بقاله أربع سنين مبيصرفش على ولاده جنيه»، استهلت فاطمة حديثها لقاضي الأسرة، مؤكدة على معاناتها التى بدأت منذ أربع سنوات بسبب رفض الزوج الإنفاق، تابعت: «أنا زيي زي أي زوجة بتحلم بحياة زوجية هادية وسعيدة وفعلًا كنا كويسين أول عشر سنين، كان شغال صنايعي في ورشة كان بينزل الشغل كل يوم ويرجع وكانت الدنيا ماشية ومكنش بيبخل علينا بحاجة أنا والعيال».
أضافت: «فضلنا كويسين في أول عشر سنين بس بعد كدا معرفش إيه اللي حصل ومبقاش يصرف على البيت ولا جنيه وكل ما أقوله سيب فلوس يتخانق معايا ويضربني، حتى معاملته الكويسة اتغيرت معايا أنا والعيال ومبقاش حنين زي الأول»، أكملت حديثها: «حصلت مشاكل كتير وكنت بسيب له البيت وأروح عند أهلي وأقعد فترة أنا والعيال وبعدها يرجعني بس بردوا مبيتغيرش».
أقرأ أيضًا: داليا للقاضي: بعد ما استحملته 20 سنة بيشك فيا ويتهمني إني بكلم رجالة
فشلت محاولات الزوجة
تحملت الزوجة إهانة زوجها وضربه لها طوال الوقت بسبب أولادها وأنها تريد الحفاظ على الأسرة، أضافت: «قررت اتحمل معاملته لي علشان خاطر أولادي وأنزل اشتغل وأصرف على ولادي الأربعة، عدت سنة والتانية والتالتة والرابعة وبردو لسه زي ما هو مفيش حاجة بتتغير بالعكس الدنيا بقت أصعب عليا العيال بتكبر والمصاريف بتزيد والدنيا بتغلي».
تابعت: «أنا مش عارفة أعمل إيه وخلاص مبقتش قادرة استحمل معاملته وضربه كل يوم ليا والأولاد بدأوا يكبروا ويفهموا ونفسيتهم تعبت من الخناقات وضرب أبوهم ليا كل يوم فقررت أروح المحكمة وأطلب الطلاق منه».
اختتمت فاطمة حديثها قائلة: «بعد أخر خناقة بينا لقيت مفيش فايدة وإنه مش هيتغير، مشيت أنا والعيال من البيت بقالي شهرين وطلبت منه الطلاق بس هو رفض، ودا اللي خلاني أرفع قضية طلاق»، ولا تزال القضية منظورة في المحكمة حتى الآن.
أقر أ أيضًا: عزة في دعوى نفقة: «5 سنين محاكم ومخدتش ولا جنيه والبنت هتطرد من المدرسة»
تابع أحدث الأخبار عبر
