خيانة زوجية.. نهى للقاضي : "ادى أخوه 5 آلاف جنيه عشان يسيبله مراته"
15 عامًا من الاستقرار التام والسعادة في عش الزوجية، وأثمر زواجهما عن ثلاثة أولاد وبنتين، كان الزوج ميسور الحال ويعمل من أجل أولاده الخمسة، كانت تساعده في تربية الأولاد وتلبي طلباته في رضا، لكن كل شيء انقلب رأس على عقب منذ مجيء أخيه وزوجته للسكن بالقرب منهما وانتهى كل شيء بالخيانة.
أقرأ أيضًا: زوجة في دعوى طلاق للضرر: "دبسني في قروض واداني على قفايا"
"كنا عايشيين مبسوطين وكل حاجة تمام" بدأت نهى حديثها تروي قصتها للقاضي، مؤكدة على استقرار حالهم قبل أن يسكن أخيه وزوجته بالقرب منهما، مضيفة : "متجوزين بقالنا 15 سنه ومكنش فيه مشاكل بينا لحد ما جه أخوه ومراته يسكنوا جمبنا ومن ساعتها والمشاكل بدأت وبقينا نتخانق كتير".
تابعت: "اتخانقت كتير مع سلفتي بسبب العيال بس كان جوزي بيلم الدنيا بس جه في مرة والعيال بيتخانقوا أنا طلعت أتخانق معاها عشان عيالها ضربوا عيالي ولما جوزي شافني ضربني وقالي روحي عند بيت أبوكي وفعلًا روحت عند أهلي وقعدت هناك".
خيانة زوجية
استغربت نهى دفاع الزوج المستمر عن زوجة أخيه ولكنها كانت لا تهتم للأمر، إذ حدث بعد ذلك مفاجأة كبيرة، وتابعت نهى حديثها في تصريحات خاصة لـ الحادثة: "روحت عند أهلي من ساعة أخر خناقة وبعد 7 شهور عرفت إنه ماشي معاها وبعد ما عرفت لاقيت جوزها بيقولي جوزك ماشي مع مراتي"
أضافت: "وبعد ما الموضوع اتعرف راح لأخيه واداله 5 ألاف جنيه عشان يسيب له مراته وخلاه يطلقها عشان عارف إنه بيشرب مخدرات مش واعي لحاجة وكتب الكتاب عليها ومكنتش لسة خلصت العدة بتاعتها ".
أقرأ أيضًا: عزة في دعوى نفقة: «5 سنين محاكم ومخدتش ولا جنيه والبنت هتطرد من المدرسة»
إهمال الزوج للأولاد
أضافت الزوجة: "مشيت من البيت بقالي 3 سنين ومن ساعة ماطردني وهو ميعرفش عني حاجة أنا والعيال ولسه مطلقنيش لحد دلوقتي وبنته الكبيرة اتخطبت مرة واتنين وهو ميعرفش، مخدتش معايا ولا أي حاجة من البيت وبعتله كذا مرة مع ناس إني أخد حاجتي بس هو مش راضي".
تابعت: "اتصلت بيه وقولتله تعالي شوف عيالك وراعيهم قالي أنا هأخد العيال منك بالمركز وفعلًا خدهم يقعدوا معاه، قولتله طب هات عزالي أنا بقالي 3 سنين نايمه على الأرض قالي ملكيش حاجة عندي وبيني وبينك المحاكم".
أنهت نهى حديثها: "لما لاقيته مش راضي يحل كل حاجة بينا ودي ويديني حاجتي لجأت للمحاكم ورفعت قضية نفقة"، ولاتزال القضية منظورة حتى الآن.
أقرأ أيضًا: منار في دعوى خلع: «سبت له العيال ومشيت عشان مرتبي مش مكفيهم»
تابع أحدث الأخبار عبر
