زوجة في دعوى طلاق للضرر: "دبسني في قروض واداني على قفايا"
«10 سنوات من الحياة السعيدة التي تكاد تكون مثالية لكثير من الأزواج، لما فيها من تفاهم واتفاق بين الزوجين على جميع أمور الحياة بينهم، أثمرت هذه الحياة المثالية عن بنتين وولد، إذ فجأة تحولت كل الأحلام السعيدة إلى كابوس، بعد أن ضحك الزوج على زوجته وأقنعها بأخذ قرض باسمها وتركت بعد ذلك تائها في تسديد أقساط القروض بمفردها».
دعوى طلاق للضرر
أقرأ أيضًا: أماني في دعوى خلع: «خاني مع طوب الأرض وخايفة يترد في بناتي»
"ضحك عليا وخلاني أخد قرض" هكذا بدأت منى حديثها والغضب يملأ وجهها بسبب ما فعله زوجها بها مضيفة أنه كان زوج ولا نعم الأزواج ولكنها لا تدري ماذا حدث بعد عشر سنوات من الزواج، أضافت منى: "اتجوزنا عن قصة حب كبيرة بيني وبيني وقعدنا سنتين ونص مخطوبين واتجونا بعدها وكان كويس معايا جدًا، كان بيحصل المشاكل العادية بين أي زوجين بس كل مرة كانت الدنيا بتتحل بينا"، تابعت: "كل حاجة بينا كانت تمام وخلفنا بنتين وولد وحالتنا المادية كانت كويسه جدًا وهو كان بيشتغل مدير ومرتبه كويس الحمدلله".
أكملت منى حديثها: "طلب مني في يوم إننا ناخد قرض من البنك عشان نعمل عضوية النادي، وبالفعل روحت أخدت القرض باسمي وبعدها بشهرين قالي نعمل قرض تاني عشان نجيب عربية بس قالي هيبقى باسمك برضو وأنا معترضتش وقولت ماشي وروحت أخدت القرض التاني وراح جاب العربية".
أقرأ أيضًا: عزة في دعوى نفقة: «5 سنين محاكم ومخدتش ولا جنيه والبنت هتطرد من المدرسة»
هروب الزوج من الأقساط
سدد الزوج جزء من أقساط القروض ولكن بعد مرور 3 شهور من أخذ القرض الثاني حدث الغير متوقع إذ تفاجأت الزوجة بذهاب الزوج واستقراره عند أهله، تابعت: "تصرفاته اتغيرت معايا وبقا يتلكك على أي حاجة وبقا يتخانق ليل ونهار على حاجات تافه وفي يوم شكيت فيه ومسكت تليفونه أقلب فيه يمكن أعرف سبب تغيره بس للأسف شافني واتخانق معايا خناقة كبيرة وقالي مش هدفع أي أقساط".
أضافت: "هو طبعَا الي بيسدد أقساط القرضين عشان أنا مش بشتغل وبعد الخناقة دي لاقيته مشي وسابني أنا والعيال وراح عند أمه وقعد عندها، حاولت أحل الموضوع ودا عشان منتطلقش والعيال تتبهدل بس هو مش راضي يحل الموضوع وبقاله دلوقتي 3 سنين سايبني أنا والعيال، لحد ما زهقت وطلبت منه الطلاق بس هو موافقش وأنا متعلقة مش فاهمة إيه موقفي".
حاولت الزوجة مرات عديدة في إصلاح الحال ومحاولة الخروج ولكن الزوج رفض ما جعلها اللجوء لمحكمة الأسرة ورفع دعوى طلاق للضرر منذ سنه ولا تزا القضية منظورة حتى الآن.
أقرأ أيضًا: روان للقاضي: «ساب ولاده من غير مصاريف وراح اتجوز واحدة معاها 10 عيال»
تابع أحدث الأخبار عبر
