سلوى: الجيران اشتكت لي من الستات اللي طالعة نازلة وأنا مش موجودة
دعوى طلاق تلجأ لها سيدات كثيرات بعد ما يفقدن الأمل في تغير أزواجهن إما بسبب خيانته أو إهانته لهن طوال الوقت ومهما تعددت واختلفت الأسباب في النهاية يكون الغرض واحد وهو الانفصال لإيجاد حياة أخرى أفضل.
كانت الزوجة لديها الأمل في صلاح الحال بعد الزواج
«قلت هيتغير بعد الجواز بس مكنتش اعرف إنه هيتغير للأسوأ» بهذه الكلمات بدأت سلوى حديثها تروي قصتها مع زوجها مؤكدة على معاملته السيئة لها من قبل الزواج ولكنها كانت عنده أمل بأن تصرفات الزوج تتعدل ويصبح إنسان أخر، كانت لا تعرف أنه يتحول للأسوء لا للأفضل، أضافت: «اتخطبنا سنتين ومكنش كويس معايا في الخطوبة، كانت معاملته زفت وبيزعقلي كتير وكلمت أهلي كتير وقلت لهم إني عايزة أفسح الخطوبة بس هما موافقوش وقعدوا يقولوا لي إنه بعد الجواز يتعدل».
تابعت: «قلت استحمل يمكن بعد الجواز يتغير ويبقى أحسن معايا في المعاملة واتجوزنا بعد سنتين من الخطوبة بس اتصدمت من أسلوبه ولقيته زاد في قلة أدبه وحص مشاكل بينا كتير أوي بس برضو مفيش فايدة».
بيطفشني عشان يقلب البيت غرزة
تحملت الزوجة أسلوبه السيئ وإهانته لها طوال الوقت وكانت تصبر للحفاظ على عش الزوجية ولكن تمادى الزوج في أسلوبه الغير أخلاقي بالإضافة إلى أنها اكتشفت خيانته لها في المرات التي كان تترك فيها المنزل ما أدى لتصاعد الخلافات بينهما وإصرار الزوجة على الانفصال، أضافت: «معاملته معايا من أول الجواز وهي زي الزفت وكل مشكلة بينا كنت ببقى عايزة انفصل بس أهلي كانوا بيقولوا لي لا مينفعش تتطلقي انتي لسة في الأول والناس هتقول علينا إيه لو اتطلقتي وانتي لسة مكملتيش سنة».
تابعت: «كل مرة كنت برجع واعدي الدنيا بس آخر مرة سبت له البيت لقيت الجيران بتكلمني عشان تشتكيلي منه وبيقولوا لي لما انتي مبتبقيش في البيت بنشوف ستات نازلة وطالعة طول اليوم، مصدقتش كلامهم وطبيت عليه في البيت فجأة لقيه قالب البيت غرزة ومعاه ستات».
تركت الزوجة المنزل وطلبت من الزوج الطلاق لكنه رفض ما جعلها تلجأ للقضاء وترفع دعوى طلاق منذ 5 شهور ولا تزال القضية منظورة في المحكمة حتى الآن.
تابع أحدث الأخبار عبر
