مفيش قلب ولا رحمة.. مروة في دعوى خلع : بيضربني أنا والعيال بالخرطوم
صبرت وزوجي حطم كل المحاولات، واضطرني أن ألجأ للقضاء ورفع دعوى خلع، بهذه الكلمات كشفت مروة تفاصيل مأساتها التي دفعتها لمحكمة الأسرة.
مروة في دعوى خلع : بيضربني أنا والعيال بالخرطوم
10 سنوات كاملة من الذل والإهانة عاشتها مروة في عش الزوجية هي وأولادها بسبب زوجها المدمن، الذي يلجأ للضرب لحل أي مشكلة ويصل في أحيان كثيرة لضرب مبرح بالعصا لأطفال لا تتجاوز الثلاث سنوات.
أب بلا رحمة
"بيضربني أنا والعيال بالخرطوم" بهذه العبارة المؤسفة بدأت مروة تروي قصتها للقاضي، مؤكدة على معاملة زوجها السيئة لها من أول فترة الزواج ولكنها صبرت من أجل أولادها.
أضافت : "اتجوزنا عن قصة حب بدأت من احنا صغيرين عشان كنا جيران وفي شارع واحد، تقدم لي وقعدنا 3 شهور مخطوبين واتجوزنا بعدها علطول"، موضحة : "كان كويس معايا في أول الجواز بس بعد كام شهر بدأ يتغير معايا عشان بقا بيتعاطي مخدرات، وحاله اتبدل من ساعتها وقعد من الشغل حتى لما خلفنا العيل الأول والتاني برضوا زي ما هو، كل ما اطلب منه فلوس عشان اجيب أكل للعيال يتخانق معايا ويضربني، حتى العيال لو طلبوا منه أي حاجة مش على هواه بيضربهم بالخرطوم".
ازدادت المشاكل والخلافات بين الزوجين بسبب ضرب الزوج الدائم للزوجة والأولاد حتى على أتفه الأسباب، حاولت التأقلم في كل مرة ولكنها فشلت ما جعلها تفكر في الانفصال للفرار من زوجها المتوحش والبقاء على قيد الحياة هي وأولادها.
أضافت: "غضبت عند أهلي كتير بسبب ضربه ليا والعيال وفي كل مرة كنت ببقى عايزه اتطلق بس أهلي يقولوا لي استحملي وكل الناس كدا".
تابعت: "سمعت كلامهم كتير عشان كان عندي أمل إنه ممكن يتغير ويبطل ضرب فيا أنا والعيال، بس برضوا مفيش فايدة، أخر مشكلة حصلت سمعت كلام أهلي ورجعت ويا ريتني ما سمعت الكلام، رجع زي ما هو وأكتر وفي يوم ابني الصغير طلب منه فلوس لقيته قام ضربه بالخرطوم وكان الواد هيموت في إيده".
بعد محاولات كثيرة من الزوجة لإصلاح الوضع ولكن كل المحاولات بائت بالفشل ما دفعها تطلب الطلاق، مختتمة: "طلبت منه الطلاق بس موافقش روحت رفعت دعوى خلع من 5 شهور عشان زهقت"، ولا تزال القضية منظورة في المحكمة حتى الآن.
تابع أحدث الأخبار عبر
