منى في دعوى طلاق: «قالي رايح اشتغل في قطر واكتشفت إنه اتجوز عليا وأنا لسه عروسة»
كانت تحلم بالزواج المستقر السعيد مع زوجها الصالح دون أي مشكلات ولكن الزوج دمر كل أحلامها منذ أن فاجأها بالسفر في الشهر الثاني من زواجهما وبعدها تبدل الحال وتغير كل شيء إذ اكتشفت خيانته وأنه سافر من أجل الزواج بأخرى وليس من أجل العمل كما تحجج لها.
أقرأ ايضًا: «بيتهمني بالسرقة».. وفاء في دعوى نفقة : "طلقني غيابي عشان غويشه"
«سابني وسافر بعد الجواز بشهرين».. بدأت منى تروي معاناتها مع زوجها من أول الزواج، تابعت: «اتجوزنا جواز صالونات بس كان باين عليه إنه راجل محترم وكويس، وافقت واتخطبنا أربع شهور واتجوزنا بعدها علطول وكان كويس جدًا أول شهرين معايا وكل حاجة كانت تمام».
أخبر الزوج شريك حياته بالسفر المفاجئ في الشهر الثاني من الزواج واعترضت الزوجة في البداية ولكنها وافقت من أجل حياة أفضل لها ولأولدها في المستقبل، أضافت منى: «قال لي إنه عايز يسافر قطر في الشهر التاني من الجواز وأنا في الأول موافقتش لأن مكنش قايلي في الخطوبة سيرة السفر دي خالص بس بعدين قولت مش مشكلة هو عارف الأحسن لينا وبالفعل سافر علطول».
أقرأ أيضًا: دنيا في دعوى طلاق للضرر: «ضرب أبويا ورفع السلاح على أخويا»
مفاجأة غير سارة للزوجة
لاحظت الزوجة تغير معاملة الزوج منذ بداية سفره وكانت تظن أنه ضغط العمل ولكن تفاجأت بشيء غير متوقع عند زيارة الزوج لها وعودته من السفر، أكملت الزوجة حديثها والدموع تملأ عينيها: «بيجيلي كل شهر يشوفني ويسافر تاني ولما جه لقيت معاملته اتغيرت خالص ومبقاش طايقلي كلمة وماسك الموبايل طول الوقت كل لما بسأله مالك يقولي مفيش ضغط الشغل بس»، تابعت: «مسكت موبايله أشوف إيه اللي شاغله أوي كدا لقيت شات مع واحدة دخلت على الشات وعرفت اللي مكنتش عايزه أعرفه، اكتشفت إنه مسافر عشان يتجوز مش عشان يشتغل زي ما هو قالي».
طلبت الزوجة الطلاق
بعد ما اكتشفت خيانة زوجها طلبت منه الطلاق ولكنه رفض، أضافت منى والحسرة تملأ وجهها: «لما واجهته بخيانته وجوازه عليا قالي أنا حر واتجوز مرة واتنين وتلاتة ومكنتش متخيلة منه الرد دا بصراحة، كنت فاكرة إني مش ههون عليه ويطلقها قالي أنا مش هطلقها ولا هطلقك وتقعدي هنا في البيت ومسمعش صوتك».
بعد ما رفض الزوج طلب الزوجة بالطلاق لجأت لـ محكمة الأسرة بالجيزة لرفع دعوى طلاق منذ 2017 ولا تزال القضية منظورة حتى الآن.
أقرأ أيضًا: زوجة للقاضي: « قضيت معاه نص عمري واكتشفت إنه متجوز وعنده عيل »
تابع أحدث الأخبار عبر
