«بيتهمني بالسرقة».. وفاء في دعوى نفقة : "طلقني غيابي عشان غويشه"
قد تضطرك الظروف لإقامة دعوى نفقة، خلع أو طلاق للضرر، هكذا لسان حال كثير من الزوجات اللائي استنجدن بمحكمة الأسرة هربًا من بطش أزواجهن، أو من سوء المعاملة التي انكشفت مع مرور الأيام.
وفاء في دعوى نفقة : "طلقني غيابي عشان غويشه"
17 عامًا من القسوة والجفاء فرضها الزوج على زوجته وأولاده الأربعة بسبب وبدون سبب، ورغم ذلك صبرت وتحملت طوال هذه السنوات من أجل أولادها وبيتها وحاولت مرارًا وتكرارًا أن تصلح العلاقة بينها وبينه لكي تستمر الحياة، لكنه حسم الأمر وفاجأها بطلاق غيابي.
أقرأ أيضًا: عزة في دعوى نفقة: «5 سنين محاكم ومخدتش ولا جنيه والبنت هتطرد من المدرسة»
"أبويا غصب عليا اتجوزه وهو أكبر مني بـ 15 سنة" هكذا بدأت وفاء حديثها مضيفة أنها كانت تخشى من فوات قطر الجواز ما جعلها توافق على العريس، أضافت: "مكنتش موافقة عليه في الأول بسبب إنه كان أكبر مني بكتير بس أهلي قالولي هو راجل محترم وكويس ومعاه فلوس، وأنا كنت خلاص في أواخر العشرينات ومبقاش في حد بيتقدملي فخوفت إني أقعد من غير جواز ومتجوزش خالص ووافقت على الجوازة".
تابعت: "في أول الجواز معاملته معايا مكنتش عجباني وكنت بقول مش مهم بس عرفت بعد كدا إنه كان مريض نفسي واتحجز في المستشفى شهرين وأخذ جلسات كهرباء قبل كدا وهو مقاليش ولا حد من أهله عرفني".
أضافت: "حاولت استحمل عشان عيالي وعشان مطلقش بس تصرفاته كانت غريبة وكان علطول متعصب عليا وعلى العيال ومبيصرفش علينا كويس مع ان مرتبه كويس".
أقرأ أيضًا: شات الموبايل كشف الجريمة.. زوجة للقاضي: «خاني وأنا لسه عروسة»
مساندة الزوج
لجأت الزوجة للعمل لتساعد في مصروفات المنزل بعد رفض الزوج الإنفاق عليهم، تابعت: "هو عنده محل جمب البيت فنزلت وقفت فيه عشان أساعد في المصاريف وبقيت أشارك بكل الفلوس اللي معايا واللي بيفيض بدخل بيه جمعية".
أضافت وفاء: "لما لاقاني بجيب فلوس للبيت قعد من الشغل ومبقاش يعمل حاجة غير النوم، ولما بيشوفني بجيب حاجات للبيت من فلوس شغلي مبيقولش حاجة إنما لو لقاني جبت أي حاجة لنفسي بيتخانق معايا وبيعمل مشكلة كبيرة".
أكملت: "حوشت وجبت غويشة دهب من الجمعيات اللي بدخل فيها ولما عرف اتهمني إني بسرقه والموضوع كبر والأهل اتدخلوا وحاولوا يحلوا المشكلة وروحت اقعد عند بيت أهلي عشان يهدى لقيته تاني يوم طلقني غيابي".
طلبت الزوجة مصروفات للأولاد بعد الطلاق ولكنه رفض ما جعلها تلجأ لمحكمة الأسرة بالجيزة ورفع دعوى نفقة منذ شهرين ولا تزال القضية منظورة حتى الآن.
أقرأ أيضًا: منال للقاضي: «قلب البيت غرزة ولما اتخانقت معاه اتجوز واحدة تانية تحشش معاه»
تابع أحدث الأخبار عبر
