أخبار محكمة الأسرة اليوم
محكمة الأسرة.. رجاء: بنتي الناس الغريبة جوزتها وأهلها واكلين ورثها
بعد وفاة زوج «رجاء» بـ 4 سنين حاولت أن تحصل على ورثها وورث أولادها الذي خسرته بسببه أهل الزوج الذي عماهم الطمع بعد وفاة أخيهم، لسنين عديدة تحملت الزوجة مسؤولية أطفالها الذي خسروا والدهم في صغر سنهم لكن عندما ضاقت بها الدنيا توجهت لمحكمة الأسرة لتستعيد حقوقهم التي سرقت منهم.
قصص محكمة الأسرة..جوزي مات فجأة بسكتة قلبيه
قالت «رجاء» في بداية حديثها:«أنا كنت متجوزة بقالي 18 سنة ومخلفة من جوزي 3 بنات وولد، أنا وجوزي كنا جيران من نفس المنطقة، اتقدملي وأبويا وافق عليه، وكان كويس معايا ومع ولاده وبيشتغل وبيصرف ومش مخلينا محتاجين حاجة، لحد من 4 سنين تقريبا اتوفى فجأة بسكتة قلبية كان كويس ومفيهوش حاجة وفجأة مات ».
حكايات محكمة الأسرة..ملناش علاقة بأهل جوزي
تابعت «رجاء» حديثها قائلة: «أول ما اتجوزت كنت عايشة في بيت عيلة جوزي، ومن زمان واحنا في مشاكل مع أهله بسبب ومن غير سبب بس حمايا كان ظابط الدنيا ومخلي مفيش مشاكل، ولما حمايا اتوفى المشاكل كترت مع أخوات جوزي اضطرينا نعزل ونسيب البيت لأن المشاكل كترت وبقت لا تحتمل سيبنا البيت ورحنا قعدنا في بيت برة كل ده قبل وفاة جوزي، ومن ساعة ما سيبنا البيت واحنا ملناش علاقة بأهله ولا هما بيسألوا علينا حتى بعد ما مات ».
دعاوي محكمة الأسرة.. طردوني لما طلبت حقي
أضافت الأم وهي حزينة على ابنتها: «من ساعة وفاة جوزي واحنا محدش وقف جنبنا من أهله ولا سألوا علينا، حتى بنتي لما جت تتجوز ناس غريبة هما اللي ساعدوها عشان تكمل جهازها وتتجوز، وأهل أبوها محضروش حتى الفرح، كان لينا ورث من جوزي في بيت العيلة باعوا البيت ومدوناش ولا جنية وكان فيه أرض جوزي ليه فيها باعوها من ورانا برضو، ولما رحتلهم عشان أطلب حقي أنا وولادي طردوني ».
قضايا محكمة الأسرة.. عايزة حق ولادي اليتامي
أنهت «رجاء» حديثها قائلة: «أنا كنت ناوية اسيب حقي وحق ولادي عشان معملش مشاكل لكن الظروف صعبة عليا ومش قادرة اتحمل مصاريف العيال لوحدي وأنا لوحدي في الدنيا، جيت عشان أفع قضية إعلام وراثة عشان حق ولادي اليتامى ».