أخبار محكمة الأسرة اليوم
محكمة الأسرة.. خلود: مطلع أسرار البيت لزملائه في الشغل
كانت محكمة الأسرة هي نهاية حياة «خلود» الزوجية التي حلمت أن تكون هادئة وطبيعية ولكن ما شهدته الزوجة كان أبعد ما يكون عن أحلامها التي بنتها عندما كانت صغيرة، لم يحافظ زوج «خلود» على أسرار بيته الشخصية وحرمته وأفشى أسراره وأسرار زوجته للغرباء ، وعندما اكتشفت الزوجة عن طريق الصدفة ما بفعله زوجها وراء ظهرها وحاولت أن تصلح من حال زوجها من أجل أبنها ولكن بائت محاولتها العديدة بالفشل حتى وصلت لمحكمة الاسرة لتبحث عن حقوقها وحريتها.
قصص محكمة الأسرة.. كنت فاكرة حياتنا مفيهاش مشاكل
قالت «خلود» في بداية حديثها: «أنا اتجوزت من ٢٠١٥ وخلفت من جوزي بنت وكان جواز صالونات اتقدملي وسألنا عليه طلع كويس فوافقت عليه، الحياة معاه كانت تمام وكويسة مفيش مشامل، أو أنا كنت فاكرة ان مفيش مشاكل».
حكايات محكمة الأسرة.. حياتنا كانت طبيعية أنا وجوزي
تابعت «خلود» حديثها قائلة: «جوزي كان راجل طبيعي زي باقي الرجالة كان بيشتغل ويصرف عليا وعلى العيال ومش مخلينا محتاجين حاجة وأنا كنت قاعدة في البيت ومبشتغلش، الخلافات بينا كانت العادية زي أي زوجين وبتتحل عادي».
دعاوي محكمة الأسرة.. جوزي بيطلع أسرار البيت
أضافت الزوجة: «مشكلتي مع جوزي أنه بيطلع أسرار البيت الخاصة لأهله وصحابه معاه في الشغل كل الناس زمايله يعرفوا كل حاجة عننا حتى تفاصيل حياتنا الخاصة جدا يعرفوا حجات عني شخصية وعن بيتي وهدومي، عرفت من البنات زمايله في الشغل اللي كلموني وقالولي انه انهم يعرفوا الحجات الخاصة دي عني وعرفوها لما سمعوا جوزي بيحكيها لصحابه في الشغل».
قضايا محكمة الأسرة .. جوزي مبيديش للبنت نفقتها
أنهت «خلود» حديثها قائلة: «حاولت اديله فرصة يتعدل لكن مفيش فايدة معاه، اتطلقت بعدما سيبت البيت بـ ٤ شهور، من ساعتها ولا بيسأل ولا بيصرف واضطريت ارفع قضية النفقة وكان مبيدفعش وخلاني اجي اعمل قضية حبس عشان متجمد نفقة، وبيدفع بس عشان ميتحبسش ويرجع تاني ميدفعش حاجة ولا بيصرف على بنته ولا بيسأل عليها ولا حتى بيشوفها ، دلوقتي متجوز وفاتح بيت جديد ومراته حامل وناسينا أحنا».