«هعملك فضيحة واشوه سمعتك».. شيماء بدعوى طلاق: "هددني لما طلبت أخاوي الواد"
في أول 30 لجأت شيماء لـ محكمة الأسرة بعد وقوعها في حب شخص واعتقدت أنه سيكون زوجها الذي ستكمل معه حياتها وتنجب منه أطفال وتبني معه أسرة لكن ظروف الحياة غيرت زوجها وجعلته شخص آخر غير الذي وقعت في حبه.
شيماء بدعوى طلاق: "هددني لما طلبت أخاوي الواد"
تزوجت «شيماء» من 4 سنين من شخص تعرفت عليه في محل عملها ووقعت في حبه وعندما تقدم لخطبتها وكانت ظروفه المادية لا تسمح له بالزواج ساعدته ووقفت بجانبه وساعدته حتى يتم الزواج ولكن بعد سنتين زواج وإنجابهم لطفل تغير زوج «شيماء» معها ولم تعجبه حياته معها من وقتها وتحول لشخص آخر انعدمت منه الرحمة والإنسانية.
قالت «شيماء»: «اتجوزت جواز عن حب مكنش معاه شقة وانا واهلي اللي ساعدناه بابا اللي جابله الشقة ومكنش معاه فلوس يجيب عفش سحبت قرض على حسابي وانا اللي سددته، خلفت منه ولد ودلوقتي عنده 4 سنين، الحياة في أول الجواز كانت طبيعية وكنا مبسوطين، بعد الجواز بسنتين خلفنا، المشاكل بينا كانت العادية وقليلة جدا أسلوبه كان مش كويس لكني كنت بعدي، لحد ما الشركة اللي بيشتغل فيها نقلته اسكندرية وانا نقلت معاه عشان مسيبهوش لوحده رغم اعتراض الناس كلها على قراري أنى ازاي اسيب حياتي وعفشي لكني مسيبتوش لوحده».
بقي يتنمرد على العيشة معايا
تابعت«شيماء»: «اعدت معاه سنه في اسكندرية ابني مخدش على الجو هناك كان تعبان طول الوقت جوزي قالي ارجعي القاهرة وأنا هاجي ازورك انتي والولد ومبقاش يصرف علينا خالص كان بياكلنا ويشربنا وهو معانا بس بعد لما عاش في مكان تاني بقي ميرضاش يصرف علينا وبقي يتنمرد على العيشة معايا، وانا كنت سيبت شغلي مفيش دخل اصرف على ابني».
أضافت الزوجة: «سابني سنة ونص لوحدي أنا والولد اتصل بيه بالاسبوع ميردش عليا حتى لو أنا في مصيبة ولما يجي اساله يقولي مكنش لي مزاج أرد، ومكنش راضي انه يخلف تاني ولما قلتله يروح يكشف عشان نقدر نخلف تاني ضربني وبهدلني وقالي هعملك فضيحة وأشوه سمعتك، لحد ما قررت انفصل عنه ولما قلتله اتحول بقي شخص تاني ضرب واهانة وقطع لي هدومي كلها هددني إنه يفبرك لي صور».
«شيماء» رفعت قضية طلاق وقضية نفقة على زوجها وتأمل أن تحصل على حقوقها حتى تستطيع عيش حياتها وتعوض ما فاتها من عمرها.