سعاد في دعوى ضم حضانة : "بيهددني بالقتل لو مخدش العيال"
لجأت «سعاد» للانفصال وديًا مع زوجها بعد إدمانه المفرط للمخدرات ما أدي لتغير معاملته معها هي والأولاد واللجوء للضرب المبرح كوسيلة للتفاهم وبالفعل تم الانفصال وكان تظن الزوجة أن المشكلات تنتهي مع إتمام الانفصال ولكن في الحقيقة زادت المشكلات، بسبب رغبة الزوج في أخذ الأولاد دون لرضاها ما دفعها ترفع دعوى ضم حضانة لضمان وجود أطفالها بجانبها.
سعاد في دعوى ضم حضانة : بيهددني بالقتل لو مخدش العيال
"عايز ياخد العيال غصب عني" بدأت «سعاد» بهذه الكلمات تروي معاناتها قبل وبعد الزواج بسبب زوجها الذي لا يرى شيء أمامه سوى مزاجه مؤكدة على تهديده لها بعد الانفصال من أجل أنه يريد أخذ الأولاد منها بدون إرادتها، أضافت: "فبل الخطوبة مكنش يعرف حاجة عن المخدرات بس بعد الجواز من ساعة ما اتلم على صحاب السوء بتوع القهوة وهو اتغير وأسلوبه معايا بقا واحد تاني".
تابعت: "في أول الجواز كنت بقول مش عايزه اخنقه واسيبه براحته بس لقيت الموضوع بيزيد، وبدأ يأثر على معاملته معايا ومع العيال ومبقاش يشوف حاجة قدامه لدرجة إنه ممكن يضربني أنا والعيال بأي حاجة قدامه".
أخذت الزوجة القرار بالانفصال الحتمي
فكرت الزوجة جديًا في الانفصال بعد ما تمادى الزوج في إدمانه للمخدرات ما أدى لتغيره في المعاملة معها هي والأولاد، فبدأت الزوجة تخاف على الأولاد بسبب ضربه لهم ضرب مبرح، مضيفة: "في يوم اتخانق معايا وضربني بالحزام جامد والعيال كان موجودة وعمالة تعيط راح ضربهم هما كمان، خوفت إنه ممكن يموت العيال، خدتهم ومشيت روحت عند أهلي".
تابعت: "روحت عند أهلي وطلبت منه الطلاق في الأول رفض بس أهلي أقنعوه إنه يطلق بالود أحسن وفعلًا طلقني، وقعدت عند أهلي أنا والعيال ومطلبتش منه ولا جنيه، لإني مش عايزه منه حاجة إنه يسيبني في حالنا".
زادت المشكلات بين الزوجين بعد الانفصال
ظنت الزوجة أنه لا يوجد مشكلات بمجرد إتمام الانفصال، ولكنها مخطئة لأن المشكلات زادت بسبب أنه يريد أخذ الأطفال دون رضا الأم ما أدي لنشوب مشكلات جديدة بينهم بسبب تهديده لها بالقتل، أضافت: "اطلقت وحمدت ربنا إن أنا خلصت منه وكنت بحسب إنه هيسيبنا في حالنا بس المشاكل زادت بسبب إنه عايز ياخد العيال مني، قال لي كذا مرة وأنا رفضت بس قالي كدا كتير وبقا كل مرة يكلمني يهددني إنه هيقتلني لو مديتهوش العيال".
تابعت: "خوفت على العيال عشان هو متهو ر وممكن يعمل فيهم حاجة، رفعت قضية ضم حضانة عشان اضمن إنهم هيفضلوا معايا ومش هياخدهم"، ولا تزال القضية منظورة في المحكمة حتى الآن.