أخبار محكمة الأسرة
«عايزة تمرمطني في المحاكم».. عصام يروي مأساته في أروقة محكمة الأسرة
مشكلات وخلافات زوجية بدأت منذ الشهر الأول، بسبب رغبة الزوجة في التحكم بكل شيء دون الرجوع إلى زوجها، بعد استمر التعامل بينهما دون أي تغيير قررت الزوجة اللجوء إلى طريق محكمة الأسرة ورفع دعوى طلاق، وفشلت كل محاولات الزوج في الإصلاح بينهما أو حتى إتمام الطلاق بالود.
حكايات محكمة الأسرة.. عايزة تمشي كلمتها عليا
"عايزة تمشي كلمتها عليا أنا وأمي والبيت كله" بهذه العبارة روى عصام معاناته لـ "الحادثة"، مؤكدًا أنه تفاجئ بشخصيتها بعد الزواج التي كانت السبب الرئيسي في كافة الخلافات والمشكلات بينهما، تابع: "قبل الجواز كانت طيبة وكانت بتحب أهلي جدًا وبتعاملهم كويس، بس يدوب اتجوزنا من هنا لقيتها اتغيرت معايا خالص في المعاملة ومع أهلي كلهم كمان".
قصص محكمة الأسرة
تصاعدت المشكلات بسبب أسلوب الزوجة الذي كان السبب في خراب الحياة بينهما ورغبتها الدائمة في التحكم والسيطرة على كل شيء دون الرجوع إلى زوجها، استكمل حكايته: "من أول شهر في الجواز وهي عايزة تتحكم في كل حاجة وهي اللي تقول رأيها في كل حاجة وأنا متكلمش خالص، ولما جيت أفهمها إنه مينفعش كدا ولازم نتفاهم كما بنتخانق في كل مرة والمشاكل كانت بتكبر أكتر وأكتر، دا غير إن أمي كل شوية تشتكي منا بسبب الحوار دا وأنا مش عارف أعمل معاها إيه".
روايات محكمة الأسرة.. عاجبها مرمطة المحاكم
أصبحت الحياة بينهما صعبة بسبب أسلوب الزوجة، لتقرر بعدها اللجوء إلى محكمة الأسرة ورفع دعوى طلاق، أنهى الزوج حكايته بقوله: "المشاكل كترت بينا أوي بسبب أسلوبها وهي كمان اللي عايزة تتطلق، وقلت نحل الدنيا بينا ودي بس مش عاجبها وعايزة تتمرمطني في المحاكم".
تابع أحدث الأخبار عبر
