أخبار محكمة الأسرة
عايشة معايا ومخوناني.. محمد يستغيث بمحكمة الأسرة: مش راضية تتنازل عن القضايا
تواجد «محمد» في محكمة الأسرة وهو يأمل أن تتنازل زوجته عن القضايا التي رفعتها على الزوج وكانت سبب خراب بيتهم وتدمير الثقة بين الزوجين، رفعت الزوجة دعوى نفقة على زوجها بعد حدوث خلافات بسيطة بينهم على المصاريف التي من المفترض أن يوفرها الزوج للزوجة ومنذ أن رفعتها رفضت أن تتنازل عنها حتى من أجل مصلحة أبنائها وكانت هي سبب تواجد الزوج في المحكمة.
قصص محكمة الأسرة.. جواز صالونات
قال «محمود» في بداية حديثه: «أنا متجوز بقالي 5 سنين اتجوزت جواز صالونات، كان أهلها يعرفوا اهلي واتقدمتلها واتجوزنا على طول، من ساعة ما اتجوزنا وأنا موظف وهي وأهلها عارفين إني موظف وظروفي على قد حالي وكانوا موافقين وعادي الدنيا كويسة».
دعاوي محكمة الأسرة..المشاكل زادت بسبب مصاريف العيال
أكمل حديثه وقال: «حياتنا كانت عادية وزي أي ناس والدنيا ماشية، كانت المشاكل بسبب المصاريف على طول بتبقى عابزة فلوس زيادة وأنا مش معايا، خلفنا ولد وبنت المشاكل زادت بسبب مصاريفهم مكنش فيه مصاريف كفاية في البيت، وأنا مفيش في ايدي حاجة شغلي على القد يدوبك يكفي».
حكايات محكمة الأسرة..مش راضية تتنازل عن النفقة
تابع حديثه قائلا: «من سنة تقريبا سابت البيت واتحججت بالمصاريف وأنها مش مرتاحة معايا حاولت ارجعها عشان خاطر العيال رفضت، لحد ما عرفت انها رفعت عليا قضية نفقة واتحكملها بنفقة على قد مرتبي، لما عرفت أنها رفعت عليا قضية رحت عشان أرجعها البيت ورجعت فعلا بعد ما كلمت اهلها واقنعوها، لما رجعت الدنيا كانت ماشية كويس، لحد ما اكتشفت أنها متنازلتش عن قضية النفقة ولسه بتسحبها قلتلها تتنازل عشان مينفعش تبقى عايشة معايا ورافعة عليا قضية، رفضت وقالت انعا مش مدياني الأمان وأنها محتاجة النفقة إذا كان عاجبني، أنا عمري ماكنت بخيل عليها او على العيال بديهم على قد ما ؤبنا بيقدرني، جيت المحكمة عشان أعرف ازاي اخليها تتنازل عشان مينفعش الوضع اللي احنا فيه ده، ومش عايز اطلق غيابي لاني عشان العده والمؤخر والمتعة وعشان العيال متتبهدلش».
تابع أحدث الأخبار عبر
