أخبار محكمة الأسرة
محكمة الأسرة..جمال: مراتي عايزة تطلق عشان جالها عريس
يتواجد يوميا أزواج عديدة أمام محكمة الأسرة رفعت عليهم زوجاتهم قضايا حتى يحصلوا على نهاية لزواجهم، ولكن ليس كل الأزواج أرادوا أن يصلوا لهذه النهاية، مثل «جمال» الرجل الذي كان يريد أن يعيش حياة طبيعية مع أسرته لكن لم يشاء الله له بذلك، وبعد محاولات الزوج العديدة في استرداد زوجته لبيتهم فشلت كل محاولاته وتركته زوجته حتى تعيش حياتها بعيدة عنه وترى مستقبلها بدونه، تاركه «جمال» أمام محكمة الاسرة مع كوم من القضايا والحزن والحسرة.
جمال لـ محكمة الأسرة : مراتي عايزة تطلق عشان جالها عريس
قصص محكمة الأسرة..كنت مخدوع في مراتي
قال «جمال» في بداية حديثه: «أنا متجوز وفي المحاكم والقضايا بقالي حوالي ٣ سنين، عرفت مراتي واتجوزتها عن طريق المعارف اتقدمتلها وكانت كويسة وأهلها ناس محترمة وكويسين المشاكل معاها بدأت من أول الجواز، مكنش يبان عليها أي حاجة وحشة قبل الجواز كانت كويسة جدا وتبان طيبة وعايزة تعيش لكن أنا اللي غلطان وكنت مخدوع فيها».
حكايات محكمة الأسرة..رفعت عليا قضايا بدون سبب
تابع «جمال» حديثه قائلا: «الخناقات بينا كانت تقريبا كل يوم وعلى أي حاجة، وسابت البيت كتير من أول كام شهر جواز وهي بتسيب البيت وتغضب وكنت كل مرة برجعها، لحد أخر مرة سابت البيت ومشيت بعد ما عملت خناقة على حاجة تافهة، وبعد ما مشيت بفترة قليلة اكتشفت أنها رافعة عليا قضايا في المحكمة قضايا نفقة وقضايا بالقايمة».
دعاوي محكمة الأسرة..رافضة كل الحلول الودي هي وأهلها
أضاف الزوج لكلامه: «من بعد ما رفعت عليا قضايا عملت محاولات كتيره جدا عشان ترجع أو نطلق طلاق ودي من غير مشاكل ولكن هي وأهلها رفضوا الحلول الودي وكانوا دايما بيقولوا اللي بينا وبينك المحاكم، لحد ما عرفت ان جالها عريس عشان كدة بتزن على الطلاق».
قضايا محكمة الأسرة..عايزة تطلق مني عشان تتجوز
أنهى «جمال» حديثه قائلا: «لما عرفت أنها عايزة تتطلق عشان تتجوز حاولت أكلم أهلها إني عايز أطلق ودي وكل واحد يروح لحاله وهدفع حق المأذون وكل واحد ياخد الحاجة اللي جايبها وأنا اللي هتكفل بنقلها، رفضوا ولسه مكملين في المحكمة ومش عارف مصيرنا هيبقى ايه».
تابع أحدث الأخبار عبر
