محمود لـ محكمة الأسرة: مراتي خانت ثقتي فيها وضيعت مستقبلي
تواجد محمود على أعتاب محكمة الأسرة وهو مازال في صدمة بسبب ما فعلته زوجته أم ابنه معه دون مبرر أو سبب، سوى أن طمعها كان كبير و اعماها عن الحق وسرقت زوجها عندما حدث خلاف بينهم واستغلت ترك الزوج للبيت ليذهب للعمل حتى تسرقه، ولم يتجاوز الزوج ما فعلته زوجته معه واكتشف أنها رفعت عليه قضايا في محكمة الأسرة ولم يكفيها ما سرقته من أمواله وعمره.
قصص محكمة الأسرة..كانت كويسة قبل الخلفة
قال «محمود» في بداية حديثه: « أنا ومراتي متجوزين بقالنا ٨ سنين كان جواز صالونات وخلفت منها ولد، في أول الحواز كانت بنت حلال وطيبة وكويسة معايا ومفيش منها مشاكل لكن اتغيرت بعد ما ابني اتولد والمسرولية زادت ».
دعاوي محكمة الأسرة.. بديها فلوس ومفيش حاجة مكفياها
أكمل «محمود» حديثه وقال: «أنا بحكم شغلي كنت بغيب عن البيت كتير وبسافر وابعد عن البيت فترة كبيرة، كنت كل لما ارجع البيت ابقى تعبان وعايز استريح تنكد عليا حياتي طول الوقت في مشاكل وخناق بسبب ومن غير سبب وطول الوقت عايزة فلوس حتى لو اديتها برضوا بتبقى عايزة اكتر ومفيش حاجة مكفياها ».
حكايات محكمة الأسرة..مراتي بتتخانق مع أهلي
تابع «محمود» حديثه قائلا: «المشاكل معاها كل مادى كانت بتزبد وانا كنت بعدي واقول مخربش البيت عشان خاطر ابني ميتبهدلش وبيتي ميتخربش، مشاكلها وصلت لأهلي بقت تكلمهم وتقولهم اني مبصرفش عليها وده محصلش ولما اهلي يحاولوا يصلحوا تتخانق معاهم، لحد اخر مشكلة حصلت بينا سافرت عشان الشغل وقلت يمكن لما ارجع تكون هديت ونحل الخلاف اللي بينا، مسمعتش عنها حاجة لما سافرت وغيبت شهر رجعت لقيت الشقة على البلاط».
قضايا محكمة الأسرة..ضيعت مستقبلي
أنهى «محمود» حديثه: «اخدت كل حاجة في البيت ومشيت وخدت الولد معاها، وبعد كدة اكتشفت انها باعت الشقة بتوكيل عام كنت عامله ليها قبل كدة، اول ما عرفت لغيت التوكيل انا مكنتش اعرف انها ممكن تعمل كدة في يوم من الأيام،وبعد ما دمرت حياتي رافعة عليا قضة خلع ومش عارف مكانها فين هي وابني».
