أخبار محكمة الأسرة
خدت مصروف البيت من محفظته فاتهمني بالسرقة.. نورا تطلب الخلع
بعد 7 سنوات من المشاجرات والخلافات، قصدت نورا محكمة الأسرة لرفع دعوى خلع على زوجها، الذي اتهمها بالسرقة، ورفض الإنفاق على أطفالها.
حكايات محكمة الأسرة.. كل مشاكلنا بسبب الفلوس
استهلت نورا حكايتها لقاضي محكمة الأسرة قائلة: "معذبني من ساعة ما اتجوزت بسبب مصروف البيت اللي بيدهولي بالعافية، وأوقات كتير مبيرضاش يدهولي، وبيقولي أنا مش معايا فلوس واللي عندك اعمليه".
وتابعت: "في الأول كنت بقول معلش استحمل، يمكن الظروف معاه وحشة عشان كدا مش معاه يصرف، بس لما لقيت دا أسلوبه العادي عرفت إنه قاصد ميصرفش على البيت والعيال".
قصص محكمة الأسرة
تدخل الأهل كثيرا للإصلاح بينهما، لكن الأمور تعقدت بسبب أسلوب الزوج، ورفضه الإنفاق عليها وعلى أولاده، وتستكمل باقي روايتها قائلة: "كل مشاكلنا بسبب المصاريف، حتى لما أهلي وأهله اتكلموا معاه كتير بسبب الموضوع دا وإنه لازم يراعي بيته وعياله، هو برضو مش راضي يديني فلوس زي بقية الناس خالص".
روايات محكمة الأسرة.. عملي محضر سرقة
سئمت "نورا" من حياتها المليئة بالمشاكل والخلافات من جميع الجهات بسبب إصرار الزوج على عدم الإنفاق، وقررت أخذ أموال من محفظته وكانت النتيجة غير متوقعة.
وأنهت رواياتها: "في يوم كان نايم ومكنش راضي يديني فلوس وقال لي مش هديكي حاجة، رحت خدت فلوس من المحفظة وهو نايم راح صحي قعد يزعق واتخانقنا كتير وسبت البيت ومشيت، وتاني يوم لقيته عامل محضر سرقة وبيقول إني سرقته".
لم تنتظر الزوجة كثيرًا وتوجهت إلى محكمة الأسرة لرفع دعوى خلع.
تابع أحدث الأخبار عبر
