أخبار محكمة الأسرة
بعد 20 سنة أب يطالب ابنه برد النفقة.. لن تصدق المبلغ
امرأة ستينية على أعتاب محكمة الأسرة بعدما فوجئت بدعوى نفقة ضد حفيدها من والده الذي هجره لمدة 20 عامًا لا يربطه به إلا خمسون جنيهًا كل شهر، وفجأة ظهر الوالد بعد كل هذه السنوت ليطالبه بالمصروفات التي أنفقها عليه طوال السنوات الماضية.
قصص محكمة الأسرة
بدأت الجدة تروي لـ الحادثة تفاصيل قصتها من البداية وهي تسترجع سنوات طويلة للماضي قائلة: "من ساعة ما بنتي اتطلقت بقالها أكتر من عشرين سنة وحفيدي جه يعيش معايا عشان أمه راحت اتجوزت تاني، وأنا اللي بقيت مسئولة عنه في كل المصاريف، وبنتي كانت رافعة قضية نفقة واتحكم لها بخمسين جنيه، وهي دي الفلوس اللي كان أبوه بيديها له كل شهر بس، غير كده ما كانش بيدفع جنيه زيادة".
حكايات محكمة الأسرة.. أنا اللي متحملة مسئولية حفيدي
استمرت الجدة على هذا الحال طوال هذه السنوات دون طلب زيادة للنفقة لحفيدها متحملة كل مصروفاته، وتابعت قائلة: "كنت انا راضية بالخمسين جنيه اللي بيديها لي كل شهر من غير ما اطلب أي زيادة، حتى لما الدنيا بقت غالية ما فكرتش أرفع قضية ولا حتى أطالبه بجنيه زيادة، وعشنا أنا وحفيدي، وعلمته أحسن تعليم لحد ما دخل كلية الطب ولسه متخرج بقاله سنة، وبقى دكتور قد الدنيا".
عجائب محكمة الأسرة.. أبوه بيطالبه بالخمسين جنيه اللي دفعها له
فوجئت الجدة والحفيد بدعوى نفقة أقامها عليه والده يطالبه فيها بالخمسين جنيها التي أنفقها عليه على مدار أكثر من عشرين عامًا، واستكملت روايتها قائلة: "أبوه ما كانش يعرف عنه أي حاجة بقاله 20 سنة وما كانش فيه أي تعامل بينهم غير الخمسين جنيه اللي بيبعتها له كل شهر، بس بعد ما عرف إنه بقى دكتور راح رفع عليه قضية نفقة بيطالبه بالفلوس اللي دفعها له طول العشرين سنة اللي هي الخمسين جنيه كل شهر".
تابع أحدث الأخبار عبر
