أخبار محكمة الأسرة
قضايا محكمة الأسرة.. أسماء في دعوى طلاق: أخد قرض ودبسني في سداده
سنتان بالكامل لم تتمكن أسماء من العثور على زوجها الذي أقنعها بأخذ القرض على مسئوليتها بسبب حاجته الشديدة للأموال، بعد ما فقدت الأمل لجأت إلى محكمة الأسرة من أجل رفع دعوى طلاق.
روايات محكمة الأسرة.. بيستغلني من أول الجواز
لم تقصد الزوجة محكمة الأسرة إل بعد ما تفاقمت المشكلات بينهما بطريقة يصعب السيطرة عليها بسبب استغلال الزوج، استهلت رواياتها لـ "الحادثة" بقولها: "بيستغلني وبياخد مني فلوس تعبي وشقايا كنت بقول مش مهم جوزي ولازم اساعده وفلوسه فلوسي مش مهم، بس لما لقيته معاه فلوس وبياخد برضو من فلوسي بدأت الخناقات من هنا وبقا كل شوية يقول لي أنا عايز فلوس حتى لو هو مش محتاج"
قصص محكمة الأسرة.. خلاني أخد القرض باسمي
تفاقمت الخلافات والمشكلات بينهما بسبب تمادى الزوج في استغلاله لها حتى وصل به الحال لإقناعها بأنه في أشد الحاجة لأمول وعليها طلب قرض، تابعت: "لما بدأت أرفض أديله فلوس زي الأول بقا متغير معايا وبيتخانق معايا كتير بسبب الحوار دا، ولقيته في يوم جاي بيقول لي انا محتاج فلوس عشان مزنوق، وأنا رفضت فقالي ناخد قرض عشان محتاج الفلوس ضروري بس هيبقى باسمك".
حكايات محكمة الأسرة.. سابني وخلع بعد خد القرض
لم تظن أسماء في يوم من الأيام أن زوجها يغدر بها ويضعها في موقف مثل هذا، أكملت حكاياتها قائلة: "أول ما خدت القرض لقيته خد الفلوس وفص ملح وداب بقاه سنتين ومش عارفة أوصله، حاولت اوصله كتير بس معرفتش عشان كدا قلت يمكن المحكمة هي اللي تعرف توصل له، رفعت قضية طلاق"، وكانت دعوى الطلاق ف محكمة الأسرة هي الحل الذي يساعدها في العثور على زوجها النصاب
تابع أحدث الأخبار عبر
