حبس الفنانة منة شلبي سنة مع إيقاف التنفيذ.. ما القصة؟ (فيديو)
منة شلبي في نوفمبر اللي فات، اتقبض عليها في مطار القاهرة وهي راجعة مصر من نيويورك، بعد ما لقوا معاها 12 كيس وعلبة بلاستيك وسيجارتين، كلهم فيهم نبات الحشيش.. غير 10 سجاير الكترونية أو (فيب) مختلفين في الشكل والنوع، وبرضو كان فيهم حشيش ، طب ايه اللي حصل من البداية؟
تأييد حبس الفنانة منة شلبي سنة مع إيقاف التنفيذ
مأمور الجمرك وهو بيبص على باسبور الفنانة منة شلبي، أخد باله إنها بتسافر كتير وبتقعد وقت قليل برا مصر وترجع تاني.. فشك فيها بتهمة التهريب الجمركي، ف طلبوا منها تحط شنطها على جهاز الكشف بالأشعة..
ف اكتشفوا وجود كثافات عضوية في الشنط.. ف اتطلب منها تفتيش الشنط يدوياً، وفتحت بنفسها اقفال الشنط.. وهنا لقوا كل المضبوطات.. واتحكم عليها بالحبس سنة وغرامة 10 الاف جنية مع إيقاف التنفيذ في تهمة التعاطي.
دفاع منة شلبي قال إن في بطلان في إجراءات التفتيش، عشان حصل في مكان مجهول وفي غياب المتهمة وإنها مالهاش دعوة باللي لقيوه.. واتعمل بالفعل استئناف على الحكم، لكن النهاردة اتأيد الحكم ضدها. لمشاهدة الفيديو هنا
تابع أحدث الأخبار عبر
