أخبار محكمة الأسرة
«يا أنا يا ضرتي».. نوال بدعوى تمكين: عايز يقعدنا مع بعض بالعافية
دعوى تمكين في محكمة الأسرة أقامتها نوال بعد أصر الزوج على جلب ضرتها للعيش معها في المنزل، ولكن المشكلات تفاقمت بينهما بسبب هذا الموضوع وعندما شعرت نوال باحتمالية ضياع شقة الزوجية قررت قصد القضاء من أجل إقامة دعوى تمكين.
حكايات محكمة الأسرة.. حياتنا كانت كويسة أول سنتين
تستهل نوال حكاياتها للقاضي مؤكدة أنها تحملت أشياء كثيرة من أجل المحافظة على استقرار المنزل، ولكن افتعالات الزوج للمشكلات جعلتها تفكر في الانفصال أكثر من مرة لتتخلص من حياتها البائسة معه، تابعت: "عيشت معاه اول سنتين في الجواز كانت الدنيا كويسة جدًا ومفيش فيها أي مشاكل غير الخناقات العادية، بس بعد كدا لقيته متغير معايا في المعاملة وأسوبه بقا غريب مرة واحدة من غير ما ي حاجة تحصل".
قصص محكمة الأسرة.. رضيت إنه يتجوز عليا
حاوط الشك الزوجة بسبب تغير الزوج معها في المعاملة وعندما بحثت وراءه تأكدت من كل شكوكها، استكملت حكاياتها قائلة: "حسيت إن في حاجة غريبة بسبب طريقته الغريبة معايا، ولما دورت وراه ولقيته بيكلم واحدة، ولما واجهته قال لي دا عادي زميلتي مفيش بينا أي حاجة، عديت الموضوع عسشان خاطر ابني الصغير ومكبرش المشاكل، وبعدها بكام شهر لقيته جاب يقول لي أنا عايز اتجوزها".
روايات محكمة الأسرة.. عايز ياخد الشقة مني
وافقت نوال على الزواج من أجل استقرار المنزل وعدم خلق المشكلات، ولكن نشبت الخلافات بعد ما أراد الزوج جلب ضرتها للعيش معها في المنزل، ولكنها رفضت وحتى تضمن نوال حقوقها لجأت على محكمة الأسرة من أجل رفع دعوى تمكين، اختتمت حكاياتها للقاضي قائلة: "وافقت على الجواز عشان مخربش البيت، بس كان شرطي إنها تبقى في شقة لوحدها وأنا في شقة لوحدي، وافق وفعلا اتجوز ومكنش في مشاك كبيرة بينا بس بعد خمس سنين جه قال لي إنه عايز يجبهالي في الشقة بتاعتي عشان هو مزنوق وعايز يبيع الشقة التانية، رفضت ولما لقاني مش راضية إنها تيجي تقعد معايا، المشاكل بينا كترت وكان عايز ياخد مني الشقة خالص عشان أن مش موافقة"
تابع أحدث الأخبار عبر
