أخبار محكمة الأسرة
ستات قادرة.. «خلود» فتحتله دماغه وممشياه بـ 8 غرز ورافعه 4 قضايا
تعاني «خلود» من زواج غير مستقر من البداية ولكنها كانت تفعل كل ما بوسعها من أجل استقرار المنزل، فأهل الزوج السبب في افتعال المشكلات والمشاجرات بينهما والتي أدت إلى تصادمهما في الشارع واشتباكات أدت إلى تطليقها، ما جعل الأمور تتطور بينهما إلى محكمة الأسرة.
روايات محكمة الأسرة.. من قبل الجواز وأمه عاملة مشاكل
محاولات فاشلة أهدرتها الزوجة من بداية دخولها عش الزوجية على أمل الاستقرار وإنهاء كافة المشكلات التي يتسبب فيها أهل الزوج، استهلت خلود حكاياتها لـ "الحادثة": "أهله من قبل الجواز وهو بتوع مشاكل وعلى طول يعملوا مشاكل على أي حاجة بالذات أمه، بس هو كان كويس أوي معايا ومفيش بينا مشاكل احنا الاتنين وكل المشاكل كانت بتبقى مع أمه اللي مبيعجبهاش العجب".
قصص محكمة الأسرة.. فتحتله دماغي
تصاعدت المشكلات بعد الزواج، وبدأت الخلافات تسيطر على حياتهما بشكل كبير، تابعت خلود: "بعد الجواز كملت المشاكل مع أنه برضو بس هو كان لسة كويس ومفيش بينا أنا وهو أي مشاكل، بس بدأ يمشي ورا أمه وبدأ يتغير معايا وبدأت المشاكل تكبر بسب تغيره معايا اللي مكنتش لقياله أي سبب خالص، وبقا يتخانق معايا على الصغيرة والكبيرة".
استكملت خلود حكاياتها قائلة: "وبقى كل شوية يتخانق معايا في الشارع، وأنا كنت بعدي كتير، بس في أخر مرة جبت اي خلاص بعد ما شتم أمي انا مقدرتش استحمل ومردش عليه، الخناقة كبرت وضربني رحت أنا كمان حدفته بطوبة فتحتله دماغي اديته 8 غرز، راح مطلقني".
دعاوي محكمة الأسرة.. خلود في 4 قضايا
وجهت خلود إلى محكمة الأسرة من أجل رفع 4 قضايا بعد تطليقها لتحصل على باقي حقوقها من طليقها، أنهت خلود حكاياتها قائلة: "أمه ارتاحت لما خليته يطلقني، جيت ارفع عليه قضية طلاق للضرر ونفقة صغار بأكملها وقايمة عشان أخد كل حقوقي منه"
تابع أحدث الأخبار عبر
