أخبار محكمة الأسرة
حكايات محكمة الأسرة.. ياسمين: عايش بالقسيمة بتاعتي مع الستات في الحرام
7 سنوات عاشتها ياسمين في استقرار وسعادة، ولكن انقلبت حياتها رأسا على عقب في السنة الثامنة بعد ما اكتشفت خيانة زوجها الذي حاولت إصلاح المنزل بعدها، ولكنه رفض؛ ما جعلها تصر على قصد محكمة الأسرة من أجل رفع دعوى خلع.
قصص محكمة الأسرة.. حسيت إنه بيخوني
ظنت الزوجة أن باقي سنوات زواجها تستمر بهذا الاستقرار، ولكن ما حدث عكس توقعاتها، استهلت رواياتها لقاضي محكمة الأسرة قائلة: "كان كويس معايا والدنيا كانت تمام بيننا، بس في آخر سنة في الجواز وكل حاجة اتغيرت وحسيت إنه بيخونني، في الأول قلت يمكن أنا غلطانة ،بس لما لقيته متغير معايا في المعاملة جامد قلت لا كدا مش عادي وأكيد بيخونني".
حكايات محكمة الأسرة.. عايش بالحرام بالقسيمة بتاعتي
بدأت الزوجة في البحث وراء سبب تغير الزوج لتكتشف أن احساسها كان في محله، تابعت ياسمين: "كنت متأكدة إنه بيخونني لما لقيته متغير معايا بقاله كتير، رحت له الفندق اللي شغال فيه وعرفت إنه حاجز لواحدة في الفندق بقاله فترة، وفيه ناس قالت لي إنه متجوزها بس اللي اكتشفته إنه ماشي معاها بالحرام بالقسيمة بتاعتي عشان يبقى باين إنه متجوزها مش ماشي معاها في الحرام".
روايات محكمة الأسرة.. عاجبه الحرام
قصدت محكمة الأسرة في السنة الثامنة من الزواج بعد ما أدركت أنها لا تتحمل الاستمرار في هذه الحياة، استكملت باقي تفاصيل قصتها قائلة: "طلبت منه يرجع لبيته وعياله بس مفيش فايدة، وقال لي أنا مش راجع، فضل كده معرفش عنه أي حاجة، وعدى شهر واتنين وأنا معرفش عنه أي حاجة، ومكمل في الحرام، رحت محكمة الأسرة بعد ما لقيت ما فيش فيه فايدة ورفعت قضية خلع بقالي 7 شهور وفاضل لي فيها جلسة واحدة وخلاص".
تابع أحدث الأخبار عبر
