أخبار محكمة الأسرة
كل شوية مع واحدة في شقة مفروشة.. سمر: مبيفكرش في حاجة غير الستات
مشكلات في بداية الزواج تغاضت عنها سمر من أجل الحفاظ على عش الزوجية، ولكن تصرفات الزوج أجبرتها على اللجوء إلى محكمة الأسرة ورفع دعوى طلاق بعد ما تمادى الزوج في نزواته وخيانته.
قصص محكمة الأسرة.. عديت له كتير عشان خاطر البيت والعيال
"عايشة في مشاكل من ساعة ما اتجوزت، وكنت باعدي وباصبر عشان خاطر ما اخربش البيت، بس هو هو ما كانش فارق معاه البيت ولا أي حاجة، كل اللي بيفكر فيه هو الستات وبس، وكل شوية اقفشه بيخونني مع واحدة جديدة". كانت هذه الكلمات الأولى التي بدأت بها سمر حكايتها لقاضي محكمة الأسرة، مؤكدة أن معاناتها مع الزوج من بداية الزواج، ولكنها كانت تحاول إصلاح الأوضاع بأي طريقة.
حكايات محكمة الأسرة.. بيغير جو في الشقق المفروشة
تغاضت كثيرا عن خيانات الزوج، ولكن مع مرور الوقت كانت خياناته تتفاقم؛ ما جعل التأقلم عليها شديد الصعوبة، لذا بدأت التفكير في محكمة الأسرة من خلال رفع دعوى طلاق تنقذها، وتابعت: "عديت كتير وجيت على نفسي عشان أحافظ على البيت، بس ما فيش فايدة برضو، بالعكس بيزيد، وكل يوم مع واحدة ولا فارق معاه ولا البيت، والموضوع بقى عمال بيزيد، وعلى طول يكلمهم في التليفون، وكل شوية يروح يقضي كام يوم في شقة مفروشة مع كل واحدة".
دعاوي محكمة الأسرة.. سمر في دعوى طلاق
كانت دعوى الطلاق هي الحل الأخير الذي قصدته سمر في محكمة الأسرة بعد ما فاض بها الكيل، واختتمت حكايتها لقاضي محكمة الأسرة قائلة: "جبت أخري وهو مش بيفكر في أي حاجة غير الخيانة والستات وبس، لما لقيت ما فيش فايدة فيه وهو لسه زي ما هو رفعت دعوى طلاق بقالي 8 شهور"، ولا تزال القضية منظورة حتى الآن.
تابع أحدث الأخبار عبر
