أخبار محكمة الأسرة
وفاء لـ محكمة الأسرة : عينة زايغة وبتاع ستات
دعوى خلع ونفقة رفعتها «وفاء» على زوجها في محكمة الأسرة بعد سنين طويلة من العشرة التي كانت تظن الزوجة أنها عشره طيبة ولكن زوجها كان يخونها منذ زمن ولكن اكتشفت خيانته بنفسها عندما كبر سنهم، وبعد رفض زوجها المحافظة على بيته وأسرته توجهت لمحكمة الأسرة حتى تجد حل لمشكلتها.
قصص محكمة الأسرة.. الناس بتحسدنا على بعض
قالت «وفاء» في بداية حديثها: «أنا متجوزة بقالي 19 سنة، جوزي كان قريبي من بعيد ومخلفة منه 3 أولا أكبر واحد في أولى جامعة، أنا في أواخر الأربعين وجوزي في الخمسينات، حياتنا كانت عادية من زمان كان بيشتغل وييصرف وكان زوج وأب كويس وحتى مشاكلنا كانت عادية وصغيرة والناس بتحسدنا على بعض».
دعاوي محكمة الأسرة.. بيكلمهم في السطوح عشان مسمعش
أكملت «وفاء» حديثها وقالت: «هو بتاع ستات من زمان كان بيكلم الستات ويهزر معاهم سواء قدامي أو من ورايا الموضوع كنت بعديه الأول وأقول كل الرجالة كدة، كان بيطلع يكلم الستات في السطوح عشان مسمعهوش وبيقابلهم ويقعد يضحك ويهزر معاهم في الشارع قدامي، وعديت كل ده عشان خاطر ولادي ومخربش بيتي».
حكايات محكمة الأسرة.. عرفت بأخر واحدة اتجوزها
تابعت حديثها قائلة: «بعد 18 سنة جواز واحدة كلمتني وقالتلي أنها متجوزة جوزي وبقالها كذا سنة وأنا معرفش، مصدقتهاش في الأول بس بعتتلي عقد الجواز ولما واجهته أنكر في الأول وبعد كدة اعترف وقال إن دي مش أول مرة يتجوز عليا، معرفتش اعمل ايه وقتها وهو حتى لما كان متجوز عليا كان بيكلم الستات اللي بيكلمها».
قضايا محكمة الأسرة.. بيعاقبني عشان سيبته
أنهت «وفاء» حديثها قائلة: «لما طلبت منه يطلقها ويتعدل ونعيش حياتنا زي الناس الطبيعية رفض وقالي مش هسيبها وأنا هفضل كدة إذا كان عاجبك، وقتها ولادي هما اللي قالولي لازم اسيبه وخدتهم ورحت عند أهلي وقعدت في شقة أبويا، ومن وقت مامشينا مسألش فينا ولا صرف جنية بيعاقبني عشان سيبته، وجيت المحكمة أرفع عليه قضية خلع ومفقة عشان أخلص منه مقدرش أعيش معاه تاني».
تابع أحدث الأخبار عبر
