أخبار محكمة الأسرة اليوم
كان حب عمرى لكن للأسف طلع بتاع مخدرات.. زهرة لـ محكمة الأسرة: مدمن
تواجدت «زهرة» في محكمة الأسرة وهي حامل في ابنها الثاني من زوجها الذي تعرفت عليه وتزوجته وظنت أنه سيكون سندها وضهرها في الدنيا ولكنها كانت مخطئة، تركها زوجها وهي حامل واهتم لإدمانه بالمخدرات مما جعلها تتوجه لمحكمة الأسرة لترفع دعوى خلع ونفقة.
قصص محكمة الأسرة.. جواز بعد قصة حب
قالت «زهرة» في بداية حديثها: «أنا متجوزة من سنتين ونص وكنت متعرفة على جوزي من زمان وكان فيه بينا قصة حب كبيرة، اتقدملي واتجوزنا وكل حاجة كانت كويسة وأنا كنت بتقي ربنا فيه وعمري ما غلط في حقه أبدا من قبل الجواز حتى وكنت فاكرة إن ربنا كرمني بيه وبأبني اللي جبته منه من أول الجواز».
دعاوي محكمة الأسرة..مرتبه زاد ولسه بيصرف قليل
أكملت «زهرة» حديثها وقالت: «المشاكل معاه بدأت من بدري مبيصرفش من ساعة ما اتجوزته، وطول الوقت كان بيتحجج بالظروف ومعهوش وأنا كنت بصدقه ومبطلبش منه غير الحجات الأساسية بس اللي البيت وابني محاجينها، ومكنتش بطلب أي حاجة لنفسي، لحد ما عرفت إن مرتبه زاد في شغله من مرات واحد صاحبه بقاله كتير وهو مش قايلي ولا زود المصاريف».
حكايات محكمة الأسرة.. اكتشتف إنه بيشرب مخدرات
تابعت «زهرة» حديثها قائلة: «اتكلمت معاه عشان يزود المصاريف لكن مفيش فايدة ولا حل معاه، ومكنتش فاهمة بيعمل كدة ليه، لحد ما لقيت مخدرات في جيبه ولما واجهته ساعتها بالمخدرات أنكر وقال مش بتاعته لكن بعد كدة اعترف إنه بيشرب كل فترة مش دايما، وقتها أنا كنت لسه عارفة إني حامل تاني، وصدقته عشان مخربش بيتي».
قضايا محكمة الأسرة.. مبيسألش عليا ولا على اللي في بطني
أنهت «زهرة» حديثها قائلة: «بعد كدة أنا مبقتش أسكت على قله المصاريف بقيت أزن عليه بالمصاريف عشان ميضيعهاش على المخدرات، لحد ما هو زهق مني وأخر مشكلة ضربني وأنا حامل وكان هيسقطني، سيبت البيت بقالي فترة صغيرة، ومن ساعة ما مشيت وسيبتله البيت مبيسألش عليا ولا على اللي في بطني ولا على ابنه اللي لسه صغير، وجيت المحكمة عشان أرفع قضية خلع ونفقة».
تابع أحدث الأخبار عبر
