أخبار محكمة الأسرة
«طلع حرامي».. أسماء: سرق العفش وهرب قبل الفرح بـ 30 يوم
حياة سعيدة تعيشها «أسماء» في ترتيبات فرحها، ولكن تغيرت حياتها وانقلبت رأسًا على عقب لتجد نفسها أمام محكمة الأسرة من أجل إقامة دعوتان بعد مرور شهرين على كتب الكتاب، وبدلاً أن تكمل تجهيزات فرحها خرب عليها زوجها فرحتها بعد ما سرق عفش شقة الزوجية وهرب لم تجد له طريق، قررت التوجه إلى محكمة الأسرة من أجل رفع دعوتان واحدة بقائمة المنقولات، وأخرى دعوى طلاق.
حكايات محكمة الأسرة.. هرب قبل الفرح
"كنا بنجهز للفرح وكل حاجة بينا ماشية تمام من غير مشاكل وكنا بنجهز بقية الحاجات اللي في الشقة، وكان فاضل شهر على الفرح بس كل دا اتغير في غمضة عين ولقيته سرق العفش اللي في الشقة وهرب"، بهذه الكلمات القاسية بدأت أسماء حكاياتها لقاضي محكمة الأسرة مؤكدة على سعادتها الغامرة التي عاشت فيها منتظرة قدوم عرسها في أسرع وقت ولكن تحولت هذه السعادة إلى تعاسة جعلتها تلجأ على محكمة الأسرة.
قصص محكمة الأسرة.. حياتنا كانت زي الفل
تستكمل باقي تفاصيل رواياتها وتسترجع حياتها خلال فترة الخطوبة مؤكدة أن كل الأمور كان تسير على أفضل حال دون أي نزاعات أو خلافات، ولكنها لا تعرف ما الخطأ الذي حدث فجأة غير شكل حياتهما بهذه الطريقة، أضافت قائلة: "فترة الخطوبة كانت أحلى فترة في الدنيا، كانت الأمور بينا ماشية تمام، وهو كان كويس معايا وأهله كمان كانوا ناس محترمة مش بتاعة مشاكل ولا أي حاجة، كان بيحبني وكنا مبسوطين وكتبا الكتاب بقالنا شهرين وبنجهز لفرحنا اللي هو بعد شهر واحد".
عجائب محكمة الأسرة.. سرق العفش وهرب بعد كتب الكتاب
اختفى الزوج لمدة 3 أيام بالكامل لا تعرف له طريق، حاولت التوصل معه بأي طريقة ولكنها فشلت واكتشفت سبب اختفاءه بعد ما لاحظت غياب أثاث المنزل، تستكمل رواياتها قائلة: "اختفى بقاله 3 أيام وحاولت اوصله كتير بس معرفتش، والمصيبة إن عرفت إنه سرق العفش اللي في الشقة وهرب ومش عارفاله طريق، كلمت أهله وأهله مش عارفين يوصلوله برضو، استنين أسبوع واتنين يمكن يظهر بس برضوا مش راضي يظهر عشان كدا رفعت قضيتين واحدة منقولات، وقضية طلاق بقالي 4 شهور".
تابع أحدث الأخبار عبر
