أخبار محكمة الأسرة
وفاء لـ محكمة الأسرة : عاملي إنذار بالطاعة وهو اللي راميني
تواجدت «وفاء» في محكمة الأسرة بعد حياة صعبة عاشتها مع زوجها انتهت بطرده لها من بينها وتركها هي وأولاده دون سؤال، وبعد ما رضت الزوجة بنصيبها وعاشت حياتها وحدها لتربي أبنائها تفاجئت برفع زوجها إنذار بالطاعة ضدها في محكمة الأسرة بالرغم من أن خلافاتهم كانت بسببه
قصص محكمة الأسرة..متوقعتش ان ممكن يعمل معايا حاجة وحشة
قالت «وفاء» في بداية حديثها :«أنا متجوزة بقالي 4 سنين وانا وجوزي كنا جيران ونعرف بعض من زمان بعدنا عن بعض فترة ورجعنا اتقابلنا تاني بعدها اتقدملي واتجوزنا وكل حاجة كانت ماشية كويس، بعد الجواز خلفت منه ولد عنده سنتين وبنتي لسه عندها 5 شهور، فب الخطوبة وأول الجواز كان كويس ومتوقعتش انه ممكن يعمل معايا كل اللي عمله بعد كدة».
دعاوي محكمة الأسرة..المشاكل معظمها على المصاريف
أكملت «وفاء» حديثها وقالت: «بعد الجواز كان فيه مشاكل وخلافات معاه على المصاريف بس كانت هلى مصاريف البيت عادي ومكنتش كتير، لكن بعد الخلفة المشاكل زادت بقت كل يوم تقريبا فيه مشكلة، وهو كان عصبي جدا ومبيرضاش يحل حاجة بالذوق أبدا ولا أهله حد كان بيقف معايا، استحملت عشان مكنش فيه حل تاني قدامي».
حكايات محكمة الأسرة.. مبيسالش ولا بيدفع جنية لعياله
تابعت «وفاء» حديثها قائلة: «لحد من فترة حصل بينا مشكلة كبيرة على المصاريف البيت برضو، وقتها طردني من البيت انا والعيال وكنا في عز الليل، رحت غضبت عند أهلي ومن وقتها مسالش علينا ولا رفع سماعة التليفون، واهلي هما اللي كانوا بيصرفوا عليا انا والعيال لانه مدفعش جنية حتى من ساعة ما مشاني».
قضايا محكمة الأسرة..بيقول اني حارماه من العيال
أنهت «وفاء» حديثها قائلة: «لحد من شهر تقريبا لقيته رافع عليا قضية إنذار بالطاعة وهو اللي كان طاردني من البيت وطلع سافر بعد المشكلة اللي حصلت بينا، طلع بيقول اني سيبت البيت وحارماه من العيال وده محصلش هو كان مسافر وانا معرفلوش طريق، رافع عليا قضية طاعة عشان معرفش اخد منه حاجة، وجيت المحكمة عشان أعرف هعمل معاه ايه».
تابع أحدث الأخبار عبر
