أخبار محكمة الأسرة اليوم
محكمة الأسرة اليوم.. سميرة: طلبت الطلاق عشان جالي ثري عربي.. وأميرة: عايش في بيوت الدعارة وراميني
ينشر موقع الحادثة ضمن نشرة أخبار محكمة الأسرة اليوم، أبرز القصص التي نشرت على مدار اليوم الخميس، والتي تباينت بين زوجات وصل بهن الطريق إلى أعتاب محكمة الأسرة بحثا عن حقوقهن، أو أزواج لم يستطيعوا التأقلم مع زوجات لم يشفع لهن حسن المعيشة.
محكمة الأسرة اليوم.. نهى: بيخبي مني الأكل أنا والعيال
قررت نهى قصد محكمة الأسرة بعد 11 عامًا بالكامل قضتهم الزوجة في عذاب بمعنى الكلمة بسبب رفض الزوج الإنفاق عليها هي والأولاد، أدت إلى زيادة الخلافات والمشكلات بينهما بعدما بدأ الزوج في إخفاء الطعام عنها هي والأولاد، وكانت دعوى نفقة في محكمة الأسرة هي الحل الأخير لها بعد ما صبرت كل هذه السنوات معه على هذا الحال دون أي تغيير.
وقالت في حكاياتها: "بخيل عليا أنا والعيال في كل حاجة حتى الأكل مبيرضاش يجيب لينا أكل، حتى لما بيجيب أكل ليه بيخبيه مننا عشان محدش من العيال يأكله، المهم هو يأكل ويدلع نفسه أنا والعيال مش مهم، سبت البيت ورفعت قضي نفقة أخد بيها حقي وحق عيالي اللي مش راضي يدهولي بالزوق"
محكمة الأسرة اليوم.. سميرة: طلبت الطلاق عشان جالي ثري عربي
معاناة تعيشها سميرة من بداية الزواج بسبب أسلوب زودها الذي كان عائق في استمرار حياتهما بشكل مستقر، تصاعدت الأمور منذ لجوئها إلى عمل جديد هربًا من معاملة زوجها، وكانت هنا نقطة التحول الذي لجأت بسببها سميرة إلى محكمة الأسرة من أجل إقامة دعوى طلاق، أنهت سميرة حكاياتها قائلة: "قلت انزل شغل واشوف الدنيا واتعامل مع ناس جديدة يمكن نفسيتي تتحسن، بعد شهر في الشغل دا صاحبتي عرفتني على ثاري عربي متريش ومعاه فلوس، كنا بنتكلم عادي في الأول وبعد كدا طلب إنه يتجوزني قلت له إني متجوزة وقفلت معاه الموضوع ومتكلمناش تاني، بس لما لقيت جوزي مكمل في طريقته دي اللي أنا مش قادرة استحملها، طلبت منه الطلاق عشان اتجوزه هو لما عرف إني عايزة اتطلق عشان اتجوز رفض يطلقني".
محكمة الأسرة اليوم.. أميرة: عايش في بيوت الدعارة وراميني أنا وابنه
لم تستقر اميرة في عش الزوجية سوى سنة واحدة فقط لتجد بعد ذلك نفسها في حياة مليئة بالمشكلات بسبب زوج قرر إهمالها ليتجه في طريق جلب لهما كل المشكلات، انهت حياتهما الزوجية على أعتاب محكمة الأسرة وهي تطلب الخلع بعد ما فقدت الأمل في صلاح الحال بينهما، وقال لقاضي محكمة الأسرة: "كان الأول مخدرات بس وكان في مشاكل كتير بسبب إدمانه وكنت بقول معلش اصبر وأحاول أعدي الدنيا يمكن أخليه يبطل اللي بيشربه دا بس مكنش فيه فايدة، المصيبة اللي عرفتها الأخير إنه عرف شقق الدعارة وقفشته بصور هناك، قالي دي مرة ومش هتتكرر تاني، صدقته وعديت الموضوع بس شكله استحلا وبقالي علطول في الأماكن المشبوهة دي، وميعرفش حاجة عن البيت ولا عن ابنه اللي محتاج اهتمام منه دا".
محكمة الأسرة اليوم.. منال: بقاله 20 سنة بياخد مني مصروفه
زوجة توسلت بالقضاء بعد 20 عامًا من الذل الذي عانت منه مع زوج لا يعرف كيف يتحمل مسئولية زوجته وأولاده الأربعة ما جعل الخلافات والمشكلات تتصاعد حتى تطرقت إلى محكمة الأسرة بعد محاولات كثيرة ظنت منال أنها تجدي نفعًا معها في حياتها ولكنه الزوج كان مصر على الاستمرار في اللامبالاة الذي كانت سبب كل الخلافات بينهما.
تابعت الزوجة باقي قصتها قائلة: "معتمد عليا في كل حاجة من ساعة ما اتجوزنا، كنت فاكراه هيتعدل ويخلي باله من بيته وعياله بس مفيش فايدة فيه خالص، لسة مكمل في اللامبالاة اللي هو فيها دي، بالعكس بيزيد ف بروده وبيجي يطلب مني مصروفه من غير ما يتكسف على دمه وه اللي ينزل يشتغل عشان يكفي بيته".
تابع أحدث الأخبار عبر
