أخبار محكمة الأسرة
«متستت على الآخر».. منال لـ محكمة الأسرة: 20 سنة بياخد مني مصروف
زوجة توسلت بالقضاء بعد 20 عامًا من الذل الذي عانت منه مع زوج لا يعرف كيف يتحمل مسئولية زوجته وأولاده الأربعة ما جعل الخلافات والمشكلات تتصاعد حتى تطرقت إلى محكمة الأسرة.
قصص محكمة الأسرة.. شايله كل حاجة من ساعة ما اتجوزته
دعوى طلاق كانت الحل الأخير الذي تأكدت منال أنه طوق النجاة الذي ينقذها من حياتها التعيسة مع زوجها، بدأت تروي قصتها للقاضي قائلة: "بقالي 20 سنة موريني الويل، مش عايز يصرف على البيت ولا يتحمل أي مسئولية خالص، حاولت معاه كتير إنه لازم يركز مع بيته وعياله ويبقى راجل قد المسئولية بس للأسف مفيش فايدة، من ساعة ما اتجوزته وهو رامي عليا كل حاجة".
حكايات محكمة الأسرة.. بياخد مصروفه مني
محاولات كثيرة ظنت منال انها تجدي نفعًا معها في حياتها ولكنة الزوج كان مصر على الاستمرار في اللامبالاة الذي كانت سبب كل الخلافات بينهما، تابعت الزوجة باقي قصتها وقالت: "معتمد عليا لافي كل حاجة، عشان بشتغل فهو شايل إيده من كل حاجة وأنا اللي متحملة كل حاجة من ساعة ما اتجوزنا، قلت هيتعدل ويخلي باله من بيته وعياله بس مفيش فايدة فيه خالص، لسة مكمل في اللا مبالاة اللي هو فيها دي، بالعكس بيزيد ف بروده وبيجي يطلب مني مصروفه من غير ما يتكسف على دمه وه اللي ينزل يشتغل عشان يكفي بيته".
دعاوي محكمة الأسرة.. منال في دعوى طلاق
لم تتحمل الزوجة أن تكمل حياتها بهذا النمط مع زوج عديم المسئولية، لذا قصدت محكمة الأسرة بعد كل هذه السنوات لتطلب الطلاق، انهت رواياتها للقاضي قائلة: "كنت فاكراه هيتغير مع الوقت وهيعرف إنه عنده عيلة مسئولة منه، بس ولا الهوا لسة زي ما هو ومش عايز ينزل يشتغل ويبطل أنتخة البيت دي"، أقامت الزوجة دعوى الطلاق في محكمة الأسرة مذ 6 شهور ولا تزال الدعوى منظورة حتى الآن.
تابع أحدث الأخبار عبر
