أخبار محكمة الأسرة اليوم
مها لـ محكمة الأسرة: اتجوز عليا وسايبنى أنا وأبنه بدون مصاريف
دعوى تمكين رفعتها «مها» في محكمة الأسرة، لم تكمل الزوجة سنتين في بيت زوجها حتى تزوج عليها سيدة أخرى بدون أي سبب وتركها هي وابنهم الوحيد من أجل زوجته الجديدة، وتركها حتى دون أن يطلقها بشكل ودي، حتى اضطرها أن ترفع دعوى خلع في محكمة الأسرة يتبعها دعوى تمكين حتى تنهي حياتها الزوجية التي لم تكمل اكثر من عامين.
قصص محكمة الأسرة.. الخلافات بدأت بعد الجواز
قالت «مها» في بداية حديثها: «أنا اتجوزت من سنتين جواز صالونات، خلفت من جوزي ولد واحد بس، مكنش فيه اي حاجة تبان عليه لما اتقدملي كان كويس وزيه زي اي راجل عادي، وبعد الجواز الخلافات بقت تحصل بينا كتير بس كله كان بيقول ده طبيعي في الأول».
دعاوي محكمة الأسرة..اتحملت كتير عشان مخربش بيتي
أكملت «مها» حديثها وقالت: «حصل بينا مشاكل كتير توي وبعد الحلفة زادت اكتر والأسباب كانت كتير وملهاش سبب معين، مكنتش فاهمة ليه بيحصل كل ده معانا، وحاولت كتير إني امشي الدنيا ومعملش مشاكل وأخرب بيتي وابهدل ابني اللي كان لسه صغير».
حكايات محكمة الأسرة.. اتجوز عليا قبل ما أكمل سنتين
تابعت «مها» حديثها قائلة: «لحد في يوم لقيت جوزي بيقولي إنه اتجوز عليا وهيعيش معاها ويسبني أنا وابني، كنت فاكراه بيكدب الأول أو بيهددني بس احنا متجوزين بقالنا أقل من سنتين ومفيش مشاكل تستعدى إنه يعمل كدة، لكن طلع اتجوز فعلا وأنا اتحملت حجات كتير بس مقدرش اتحمل الخيانة وإنه اتجوز عليا سيبته وقتها ورحت عند أهلي».
قضايا محكمة الأسرة..مش عايز يصرف على ابنه عشان مش في بيته
أنهت «مها» حديثها قائلة: «من ساعة ما سيبته محاولش يرجعني تاني ولا سأل فيا أنا وابنه، ورفض يطلقني وقال عايزة ترجع براحتها مش عايز يطلقني عشان ميدنيش حاجة من حقي، رفعت قضية خلع واتطلق منه ودلوقتي رافعة تمكين وهرفع عليه قضية نفقة عشان ابني، هو بيشوفه وبيسأل عليه بس مبيصرفش سايبه لأهلي يصرفوا عليه، ولما طلبت منه يصرف عليه قالي هصرف عليه بيتي بس ».
تابع أحدث الأخبار عبر
