محكمة الأسرة.. سحر بدعوى خلع: يعرف ستات بعدد شعر راسي
توجهت سحر إلى محكمة الأسرة ، بعد أن حاصرها الشك حول تغير زوجها الملحوظ دون أي سبب سابق ، وعندما قررت البحث وراء زوجها لمعرفة السبب وراء تغيره لتكتشف الصدمة الحقيقة التي جعلتها تصر على رفع دعوى خلع .
قصص محكمة الأسرة.. عيشني أحلى خمس سنين
بدأت سحر رواياتها لقاضي محكمة الأسرة ، مؤكدة على أنها عاشت مع زوجها خمس سنوات يكادوا يكونوا أجمل سنوات عمرها بمعنى الكلمة لتجد حالها بعد ذلك في حياة بعيدة كل البعد عن حياتها في بداية الزواج ، تابعت: "عيشني احلى خمس سنين في عمري ، وكانت حياتنا زي الفل ومفيش أي حاجة خالص، بس من بعدها وهو اتحول وبقي حد تاني خالص ومش فاهمة اية السبب".
حكايات محكمة الأسرة..
ظنت سحر أنها من الممكن أن تكون ضغوط في العمل جعلتها يتغير بهذا الشكل ولكن عندما استمر الأمر لأكثر من سنتان بدأت الشكوك تحاوطها حول وجود امر غير طبيعي، تستكمل سخر باقي تفاصيل قصتها قائلة: "بدأت اشك لما لقيته مطول في حوار طريقته المتغير دي معايا وحتى كمان مع ابنه، اتكلمت معاه مرة واتنين وتلاتة بالزوق عشان أفهم منه ، وفي إية بس هو كان بيقلبها خناقة كل مرة، فتشت موبايله بقا أخر ما زهقت عشان أعرف فيه اية ولقيته مقضيها مع ستات بعدد شعري راسي".
روايات محكمة الأسرة.. مقدرتش استحمل ابقى مغسلة اكتر من كدا
أضافت سحر: "مكنتش مصدقة نفسي إنه يعمل كدا لأنه مكنش باين عليه إنه يعرف ستات، ومش واحدة بس لا دا طلعوا كتير ما شاء الله، مكالمات مع دي وصور مع دي ولا كأنه متجوز أصلا، أول لما شفت كدا قلتله يطلقني بس هو مرضييش"، أنهت حكاياتها وقالت: "فكرت استحمل واعدي الدنيا بس مقدرتش خالص وسبت له البيت وخدت ابني ورفعت عليه قضية خلع"
