أخبار محكمة الأسرة
حياته في المخدرات.. سارة لـ محكمة الأسرة: بياخد شقايا يصرفه على الكيف
لجأت “سارة” إلى محكمة الأسرة بسبب زوجها مدمن المخدرات، الذي عندما تزوجته أرادت أن تعيش معه حياة طبيعية لكن إدمانه سيطر عليه وجعل الحياة معه جحيم، أولًا أجبرها على النزول للعمل حتى تصرف عليه وعلى إدمانه وأخيرًا ضربها وأهانها ولم يقدرها أبدًا، حتى اضطرها أن تتوجه لمحكمة الأسرة حتى ترفع دعوى خلع لتتخلص من حياتها معه.
قصص محكمة الأسرة.. بحمد ربنا إني مخلفتش منه
قالت «سارة» في بداية حديثها: « أنا اتجوزت من 2018، وسايبه جوزي دلوقتي بقالي 4 شهور، لما اتقدملي واتجوزنا كان جواز عن حب، ومخلفناش طول فترة الجواز لأن محصلش نصيب، طبعًا كان نفسي اخلف بس دلوقتي بحمد ربنا إني مخلفتش منه».
دعاوي محكمة الأسرة..جوزي مدمن مخدرات
أكملت «سارة» حديثها وقالت: «مشكلتي معاه إنه كان مدمن مخدرات وبيشم بودره، كان بيشرب من زمان جدا بس أنا معرفتش إنه مدمن غير بعد الجواز بفترة ومعرفتش أعمل ايه وقتها وفكرت أسيبه لكن مرضيتش أعمل كده وكملت معاه».
حكايات محكمة الأسرة.. أنا اللي بصرف عليه
تابعت «سارة» حديثها قائلة: «أنا اللي كنت بشتغل واصرف عليه وهو كان لسه مدمن مخدرات وكان قاعد في البيت مبيشتغلش، وبشتغل بقالي كتير من ساعة ما اتجوزته هو اللي قالي انزلي اشتغلي عشان نقدر نكفي مصاريف البيت، لكن اللي كنت بشتغل بيه كان بياخده مني فلوس للمخدرات ،كان بيخليني اصرف عليه ولو رفضت يضربني ويبهدلني ».
قضايا محكمة الأسرة..جوزي ضربني أنا وأختي الصغيرة
أنهت «سارة» حديثها قائلة: «استحملته كتير عشان مخربش بيتي، لكن الضرب الإهانة كان ا كل مادى أكتر وأكتر، لحد اخر مشكلة حصلت خلتني اسيبه ضربني وسرق أخر فلوي معايا ورحت وقتها عند والدتي ومسألش فيا بعد ما مشيت وبعد أسبوع تقريبا جه البيت عند والدتي وشتمها وضربني انا واختي الصغيرة عشان عايز مني فلوس، وقتها والدتي رفضت إني أكمل معاه بعد كده ورفعت لي قضية خلع لأنه رافض يطلق ودي عشان مش هيلاقي حد تاني يصرف عليه ولا على المخدرات اللي بيشربها».
تابع أحدث الأخبار عبر
