محكمة الأسرة.. نهى بدعوى نفقة: نصب عليا في 50 ألف وطردني بعيالي
دعوى نفقة في محكمة الأسرة كانت بمثابة طوق نجاة لنهى التي أهدرت حياتها مع زوج ظنت إنه يحميها ولكن كل توقعاتها باءت بالخذل وطردها من المنزل هي وأولادها بعدما أخذ منها أموالها وطلقها غيابيًا.
حكايات محكمة الأسرة.. نهى بدعوى نفقة: نصب عليا في 50 ألف
تبدأ “نهى” حكاياتها لقاضي محكمة الأسرة، مؤكدة على أنها حلمت بأن يرزقها الله بزوج مثالي ولكن في أول شهور الزواج اكتشفت حقيقته التي حولت حياتها لمأساة قبل أن تبدأ، وتتابع: "حبيته وكنت فاكرة إن هو دا اللي هيخلي باله عاليا، بس كنت غلطانة لإن في أول شهر من الجواز وانا لقيت حد غير اللى عرفته في الخطوبة خالص، في الخطوبة كان بيعمل اي حاجة عشان يرضيني كل دا اتغير أول لما اتجوزنا مش فاهمة ليه".
قصص محكمة الأسرة.. عمل جمعية عشان اشتريله تاكسي
تعجبت “نهى” من الشخص الذي ظهر على حقيقته في بداية الزواج من معاملة قاسية ولكنها تحملت لتحافظ على المنزل وحب حياتها، تابعت: “كنت مصدومة فيه من أول شهر في الجواز بس قلت استحمل مش مشكلة يمكن يتغير بس مفيش حاجة كانت بتتغير حتى بعد ما خلفت منه عيل واتنين وتلاتة”.
استكملت حديثها قائلة: "برغم معاملته اللي زي الزفت ليا بس كنت بعمله كل اللي هو عايزه وواقفة جمبه في كل حاجة، حتى لما قالي إنه عايزني أساعده عشان يجيب تاكسي يشتغل عليه، عملت جمعية وقبضت 50 ألف جنيه وادتهمله كلهم ويا ريتني ما ادتهمله".
عجائب محكمة الأسرة.. خد مني الخمسين ألف جنيه وطردني
فعلت نهى كل ما بوسعها من أجل مساعدته لشراء التاكسي وتلقت المفاجأة الكبرى التي جعلتها تقصد محكمة الأسرة، أضافت الزوجة: "خد مني الفلوس من هنا وطردني انا والعيال من هنا، مكنتش مصدقة إنه ممكن يعمل كدا فيا، بس خدت العيال ورحت عند بيت أهلي وبعد شهر وانا قاعدة هناك لقيته طلقني غيابي، رحت رفعت عليه قضية نفقة ومتعة وعدة عشان أخد حقي وحق عيالي".
تابع أحدث الأخبار عبر
