محكمة الأسرة اليوم
محكمة الأسرة .. سهى تطلب الطلاق: مستغفلني بظروفه الصعبة وهو مدمن
كانت محكمة الأسرة هي محطة الوصول بالنسبة لـ «سهى» بعد سنين زواج امتلأت بالحاجة والكسرة، طوال سنين زواجها كانت تظن أن زوجها رجل غير مقتدر ماديًا بسبب ظروف المعيشة الصعبة، لكن ما اكتشفته في النهاية أن ظروفه الصعبة كانت بسبب تعاطيه للمخدرات، وعندما اكتشفت الزوجة وواجهته أنكر، واستمر في أفعاله حتى أوصلها لمحكمة الأسرة حتى ترفع دعوى طلاق لتتخلص من زوجها المدمن.
قصص محكمة الأسرة .. كنا قرايب من بعدي أنا وجوزي
قالت «سهى» في بداية حديثها أمام محكمة الأسرة : «أنا اتجوزت من 11 سنة كنا فرايب من بعيد وخلفت منه 3 أولاد، الحياة كانت عادية وهو مكنش فيه منه مشاكل، وحتى المشاكل بينا كنت بعديها عشان خاطر العيال وكنت دايما بقول اننا قرايب هو هيحافظ عليا ويصوني».
حكايات محكمة الأسرة .. بيصرف على اللي يكفي الأكل والشرب
تابعت «سهى» حديثها قائلة: «بعد كدة المشاكل كلها كانت على المصاريف هو كان بيبقى ممعهوش يكفي طلباتنا كان بتبقى فلوسه يدوبك على القد، اضطريت أنا اللي انزل واشتغل عشان أصرف على البيت وعلى الولاد وكنت بقول لنفسي انا بساعده وبقف جنبه عشان خاطر البيت والعيال».
دعاوي محكمة الأسرة .. مضيع فلوسه على المخدرات
أضافت الزوجة: «لحد من قريب اكتشفت إنه بيشرب مخدرات وانا معرفش طول السنين دي انا فاكرة انه ظروفه وحشة ولازم اتحمله زي أي واحدة بتقف جنب جوزها لكن طلع ان ظروفه وحشة لأنه مضيع فلوس على المخدرات ومزاجه وانا وعياله مش مهم، صعب عليا نفسي وقتها واجهته وأنكر وقالي مشربتش بس أنا كنت عارفة ومتأكدة».
قضايا محكمة الأسرة .. مش عايز يطلقني ودي
أنهت «سهى» حديثها قائلة: «لما لقيت انه خلاص دماغه اتلحست من المخدرات سيبتله البيت وخدت العيال وقتها هو رفض انه يطلق وقالي مش هينفع نسيب بعض وأنا هتعالج ونرجع عشان خاطر العيال، بس انا كنت عارفة انه كداب ومش هيعمل حاجة من الحاجات دي اللي كدب السنين دي كلها سهل يكدب تاني، جيت المحكمة ارفع قضية خلع ونفقة عشان اخد حقي منه واخلص منه انا وولادي ».
تابع أحدث الأخبار عبر
