محكمة الأسرة وغرائبها.. سهام : ضربنا علقة موت عشان طلبت لبن صناعي
كانت محكمة الأسرة هي الباب الذي طرقته «سهام» بعدما تعقدت الأمور مع زوجها وأصبحت الحياة معه مستحيلة بسبب استهتاره وعدم تحمله للمسئولية أو الخروج من البيت للعمل، كانت دعوى الطلاق هي أملها الوحيدة لتنقذ نفسها وابنها من ابن قاسي وغير مسؤول كان ممكن أن يدمر حياتهم وممكن أن يصل به الأمر أن ينهي حياتهم.
قصص محكمة الأسرة.. اتعرفت على جوزي من جواز صالونات
قالت «سهى» في بداية حديثها أمام محكمة الأسرة : «أنا اتجوزت من ٢٠١٦ خلفت من جوزي ولد واحد وسايباه بقالي سنتين، جوزي لما اتقدملي كان كويس ومفيش منه مشاكل كان جواز صالونات اتقدملي وسالت عليه ووافقت».
حكايات محكمة الأسرة.. أهلي وأهله بيساعدوا في المصاريف لأن جوزي مبيشتغلش
تابعت «سهى» حديثها قائلة: «مشكلتي معاه بدأت من ساعة ما اتجوزنا انه مش عايز يصرف ومش عايز يشتغل خالص ولو اشتغل يوم يعد قدامه عشرة وأنا مكنتش بشتغل اهلي واهله كانوا بيساعدونا وبيدونا فلوس اللي نحتاجه على قد المصاريف بس مكنش كفاية وانا مكنتش بقدر أطلب منهم».
دعاوي محكمة الأسرة.. ضربني أنا وابني لما طلبت منه أكل
أضافت الزوجة: «اخر مسكتي مرة ضربني أنا وابني عشان بقوله أنزل اشتغل عشان مفيش مصاريف وأكل في البيت، أنا كانت حالتي النفسية وحشة بسبب الخلافات اللي بينا، مكنتش قادرة أرضع ابني كان بيرضع لبن صناعي ولما مكنش فيه لبن وخلص شربت ابني ينسون وهو عنده شهرين قلتله محتاجين لبن عشان الولد قالي مفيش وضربني أنا وهو».
قضايا محكمة الأسرة.. سيبت البيت لما جوزي ضربني انا وابني اللي عنده شهرين
أنهت «سهى» حديثها قائلة: « ساعتها قررت أسيبه ومرجعلوش تاني لاني خفت ممكن يعمل فيا ايه انا وابني، ولما لقيت ان خلاص مفيش فايدة من الحياة معاه خدت ابني وسيبت البيت ورحت عند اهلي ورفعت قضية خلع ونفقة عشان اخلص منه ومن بهدلته اللي عيشت فيها معاه سنين انا اتحملته مخربش بيتي بس هو مفيش فايدة معاه خلاص ».
تابع أحدث الأخبار عبر
