أخبار محكمة الأسرة اليوم
محكمة الأسرة.. لمياء: بيضحك عليا من ساعة ما اتقدملي
تواجدت «لمياء» على أعتاب محكمة الأسرة بعد سنين الخداع التي عاشتها مع زوجها الذي كانت حياتها معه ليست كما توقعت أن تكون حياتها الزوجية، فكذب زوج «لمياء» عليها منذ أن تقدم لخطبتها وتزوجها وبنى حياتهم على الخداع، وبعد تحمل الزوجة له ولطباعه ما وجدته منه هو الغدر وطلقها غيابيا وتركها هي وابنهم دون سؤال وتفرغ لأسرته الجديدة وترك «لمياء» وابنها يغرقوا وحدهم في الدينا دون سند أو ضهر حتى اضطر الزوجة أن تتوجه لمحكمة الأسرة على أمل أن تجد طوق النجاة لها ولأبنها.
قصص محكمة الأسرة.. انفصلت عن جوزي بعد ولادة ابني بسنة واحدة
قالت «لمياء» في بداية حديثها: «أنا اتجوزت من 2010 وسايبة جوزي ومنفصلة عنه من 2012، عندي منه ولد واحد بس واتطلقت بعدما ابني اتولد بسنة واحدة بس، كان جواز تقليدي اتقدملي وكان محترم ومناسب ومكنش فيه خلافات بينا في الأول لكن بعد كدة كل حاجة اتغيرت».
حكايات محكمة الأسرة..جوزي طلع كداب من قبل ما نتجوز
تابعت «لمياء» حديثها قائلة: «لما اتجوزنا طلع كداب والشقة اللي قال إنه اشتراها وبتاعته وهنعيش فيها طلعت إيجار قانون جديد وهو بيكدب عليا، واضطريت بعد 3 شهور جواز انزل كل العفش اللي كنت لسه جايباه لأنه مكنش بيدفع الايجار وجاب بعدها شقة ايجار قديم ، وعشنا فيها كنت حامل وقتها مرضيتش أعمل مشكلة عشان ابني اللي لسه متولدش حتى».
دعاوي محكمة الأسرة.. بيكدب بسبب ومن غير سبب
أضافت الزوجة: «كان فيه بينا خلافات كتير على موضوع الشقة ده وبالذات أنه كان بيكدب في كل حاجة يقول معهوش فلوس وهو معاه يقولي أنه في مكان وأكتشف أنه في مكان تاني، بيكدب بسبب ومن غير سبب، لحد لوحده من غير أي سبب طلقني بعد ما ولدت بسنة غيابي، كان فيه بينا مشاكل كتير بس متوقعتش أنها توصل للطلاق».
قضايا محكمة الأسرة .. رمى ابنه عشان عياله الجداد
أنهت «لمياء» حديثها قائلة: «من ساعة الطلاق بقى بيصرف على الولد بالمحكمة ومبيشفهوش ولا بيسأل عليه، معترض عل مدرسة ابني عايز يخرجوا من الخاص ويدخله مدرسة حكومة عشان الفلوس، هو اتجوز ومعاه طفلين وبيتحجج بيهم عشان ميصرفش على ابني طب احنا ذنبنا ايه أنه عايز يصرف على ولاده التانين بس، اضطريت أجي ارفع عليه قضية مصاريف مدرسية».
تابع أحدث الأخبار عبر
